NEHEMIA 7:5 - AMÜSÜH HÜM CL Bible (BSI)

⁵ Jumonü Thrünpuhnü I mulong ching qiubah mihtsürübo, limberübo tüsho atorübo arü jipü yukhean yimshihpü bemukhungshih. Tüsho ramtso chingnü akhuh aturü jipü yukhean inü ngü, tüsho thrüta ngükhi ju ha:

NEHEMIA 7:5 Iomraidhean Croise

EZRA 2:62

Arübo jipürü wühkhe ching thrütyukkhi müngükhinü amükeam trük ah de thiyumütsan müjihkhuk, jumonü arübo mümüsühde amükeamrü trük lungnü khekhita bah;

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

NEHEMIA 5:19

O Thrünpuh, harü mihtsürübo thsungkheak inü atsü rhimokhi lümkhitjang de nü ki tamkhüntamnüchoh.

NEHEMIA 6:14

Inü tamkhüntamnü, “Thrünpuh, Tobia le Sanballat bünenü arhimokhi ju lümkhitang tüsho ane thsümüchiang. I müzünrü alibe Nodia tüsho wukihrü püpürübo lümkhitang.”

NEHEMIA 7:4

Jirusalem kiuto amülak thsüa lalashe, ju ching mihtsürü nükde la, tüsho thüyam jitde müthsüyide alakheah.

NEHEMIA 7:64

Harübonü nihbuh yambuk mung khin yim, tüshe müngümonü arü amümüsührü kamde amükeam trük chingnü chamkhitabah.

MÜCHITMUDU 2:6

Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

MÜCHITMUDU 3:6

nü limrobo alala ching api mütsankhitang tüsho apinü nü limro alungki huhbah.

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

2 KORINT 3:5

Isanü tümükhüh lang she isa küdahnü athsükhukkhi lah de alümkhi müla; isanü athsükhukpü ju Thrünpuh kilimnü lah.

2 KORINT 8:16

Inü nüsa thsungkheak lakhi nangde Tita mulong ching alümrhihpü jihbuh Thrünpuh ki makshe jihang.

KOLOSI 1:29

Khristanü ajihkhi sühmüh tüsho I kheak rhimode alakhinü inü ha rhimochoh tüsho mürangchoh.

JAKOB 1:16

Inü amuzhokhi keoniorübo, dümülapyukshih.