NEHEMIA 7:3 - AMÜSÜH HÜM CL Bible (BSI)

³ Inü arü ki tha, “ Ani mülamchoki khiungde chipi dükhimshuh; tüsho aheangrü zhipchokinü chipi rihang. Tüsho aheangrü ju Jirusalem ching larü yukbah khürü nihbuh binpung ching tüsho khürü nihbuh yam ki de aheangshang.”

NEHEMIA 7:3 Iomraidhean Croise

NEHEMIA 13:19

Jumonü arelim kamde Amuni tankih aban, chipiripitbo rihpü, tüsho Amuni muhoyichokia mükhimshuhpü inü thiyukhüm jih. Tüsho inü I yamlarü khürü chipiripitbo ching binshih, junangde Amunimung tümü hah she mühanyuk.

NEHEMIA 3:23

Benjamin tüsho Hasshub bünenü ju khin arü yam müngüh thsü; Anania tsührü Maaseia tsührü Azarianü ju khin, ayam müngüh thsü;

NEHEMIA 7:2

I mihtsürü 2: I khiung Hanani tüsho Hanania, chipi kurungkheak aberü athülünkhi mihtsürü tüsho mührü kheak kihode Thrünpuh wüntrebuh ane Jirusalem kiuto kurungkheak yakzan shuhshihpü mokhit.

NEHEMIA 7:4

Jirusalem kiuto amülak thsüa lalashe, ju ching mihtsürü nükde la, tüsho thüyam jitde müthsüyide alakheah.

MUNGSHIKHÜN 127:1

Atungpuhnü thüyam müthsüsho, ha thsürübo ju akeangkeang ching rhimochoh; Atungpuhnü kiuto maheangsho, aheangrü ju akeangkeang ching zhipchoh.

MUNGSHIKHÜN 147:13

Tümüde apinü nüsa chipiripit khrihbebo düküngshihdo; apinü nüsa bolung nüsa tsührübo müngühjihdo.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.