NEHEMIA 6:9 - AMÜSÜH HÜM CL Bible (BSI)

⁹ Isa sühmüh mülade rhimo tukloshihpü thsüde arünü amüzünpü mürang. Tüshe inü tamkhüntamnü, “Tütüshe, Thrünpuh I reangzahshang!”

NEHEMIA 6:9 Iomraidhean Croise

2 KIUTHSÜYUKHEAN 15:7

Tüshe nüsa, mulong toang! nüsa khahbo dükeakeashih, tümüde nüsa rhimokhi ching thsambah ngübah.”

2 KIUTHSÜYUKHEAN 32:18

Arünü kiuto lupü thsungkheaknü arü müzünde treshihde, Jirusalem mihtsürü chipi kheak larü ki Ibri yutha chingnü düsheak atonü zhi.

EZRA 1:6

Arü phünirü alalanü kukruk harü jihde rung: Shoto phühlung, shotolung, tsühyungbebo, püpü shoto kukruk tüsho ju lung arung kingaün hanmukhungkhi she jih.

NEHEMIA 6:14

Inü tamkhüntamnü, “Thrünpuh, Tobia le Sanballat bünenü arhimokhi ju lümkhitang tüsho ane thsümüchiang. I müzünrü alibe Nodia tüsho wukihrü püpürübo lümkhitang.”

MUNGSHIKHÜN 138:3

Inü nü ki zhi nimung, nünü I ki alojih, tüsho I me ching sühmüh lade I mulong toshih.

MUNGSHIKHÜN 56:3

Küyimki I trebanü inü nü kheak kinchoh.

MUNGSHIKHÜN 68:35

O Thrünpuh, nü a nü amüsüh dangpungbo kheaknü alü atrebe ah. Israel Thrünpuh ju api mihtsürü kilim sühmüh tüsho wu jihbuh ah. Thrünpuh shiang!

MUNGSHIKHÜN 71:1

O Thrünpuh, nü kheak inü tsoyukchoh; I küyimkishe achih düngüshih.

ISAIA 40:29

Apinü sühkeakearü kilim wu jihchoh, tüsho sühmüh mülarü reangzahshihchoh.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

JEREMIA 38:4

Judüki atorübonü kiulongthsüpuh ki tha, “Ha mihtsürü asheshihpü lah, tümütüsho apinü ha kiuto ching aninga larü bonungrü tüsho mihtsürü alala arü ki hadürü yu thakhinü mulong ninishihchoh. Tümüde ha mihtsürünü mihtsürübo arung thsungkheak yungde arü thsümünimpü yimchoh.”

EZEKIEL 30:24

Inü Babilon kiulongthsüpuh bin düküngshihbah, tüsho I nukshang akhah ching yukjihbah; tüshe inü Pharao bin yihshakbah, tüsho ashepü yurirü nangde api miki anihbuhnü ashearabah.

ZEKARIA 10:12

Inü arübo Atungpuh kheak düküngde akamshihbah, tüsho arünü api mung ching tsahbah, Atungpuhnü thachoh.

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

EFISIA 3:16

junangde api müretah lakhitbo yande pang lung ching api Me hode sühmüh lade nüsa düküngshihbah,

EFISIA 6:10

Akheamde, Atungpuh tüsho wuto sühmüh ching düküngang.

FILIPI 4:13

I sühmüh jihbuh hode inü lüpdükhi thsükhuklah.

IBRI 12:12

Jumonü nüsa bin keahkhikhi shuhkihang tüsho nüsa mukhung süh keakeakhi düküngshang.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.