NEHEMIA 6:6 - AMÜSÜH HÜM CL Bible (BSI)

⁶ Ha ruk thrüt, “Nü tüsho Jihudarübonü mührü azhihde münitpü thsüde chipi thsülokhi hode mühi lomibo ching arhunganimchoh de Geshemnü I ki tha, jumonü nünü chipi thsülochoh. Tüsho arü kurungkheak nü kiulongthsüpuh thsübah de thado.

NEHEMIA 6:6 Iomraidhean Croise

EZRA 4:12

“ Kiulongthsüpuhnü mükheahshihnekhi ju, Jihudarübo nü kilimnü aturünü Jirusalem ching isa lung arübah ha amünean tüsho yakzanazhih kiuto thrünlochoh. Arübo rhü zünmusudo tüsho banmuroh.

EZRA 4:15

Junangde nüsa jipürünü thrüta zokhi thiyukhüm ha jih-a yimshang. Jude athsükhinü ha kiuto yakzan-azhihrü tüsho adüso kim chingnü lomi ching kiulongthsürü tüsho yakzanshuhrü phümüsüp jihpung ah de nünü ayimkhitbah. Tüsho harü mihtsürübo ha yakzannü mürhükkhukde arüchoh. Ju hode lang kiuto thsümünimkheah.

NEHEMIA 2:19

Küyimki Sanballat, Tobia tüsho Arabrü Geshem arünü isa akeanangkhi sokhea, arünü isa kheak münejihde tha, “Nüsanü rhimocho ju tümü ah de lümcho le? Nüsa kiulongthsüpuh azhihpü thsücho de?”

NEHEMIA 6:13

Arünü api muloa I amünean ching müzünyukkhinü mung atsü dükheakshihde ajunopü lüm.

NEHEMIA 6:5

Tüshe Sanballatnü aphüngüpü yusheak ayamlarü thiyia amüshungkhi kihüm hanbah arüshih.

NEHEMIA 6:7

Tüsho wukihrü khürü thiyia Jirusalem ching nü ju Juda kiulongthsüpuh ah de zhishihchoh düshe thado. Ha ruk I kiulongthsüpuhnü dükde sodo, jumonü judürü lümkhi asukachihpü thsüde ike shoruachihanü de thaakheahchoh.”

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

MATHI 5:11

“I dünkheaknü arünü nüsa mükhemükimde thsümüchichoki tüsho arükchihnü nüsa azhihde amütsü alala thachoki nüsa asühpü.

LUKNÜ ATHRÜTKHI THIYUSHEAK-ATSÜ HUHTANYU 23:2

Tüsho arünü api chikhide athapü tankih, “Ha buhnü trükshih bemüchihkhi isanü ngüdo, tüsho api ju Khrista, kiulongthsüpuh de thade Kaesar kilim ruk jihpü tukloshihdo.”

JOHAN 19:13

Küyimki ju thakhi Pilatnü asokhea, apinü Jisu bede akhiukbah Ibri yunü Gabbatha de ajikhi dangpung Lung-khimkhi mahkhap binkiu ching bin.

ROMRÜ KILIM PAULNÜ ATHRÜTKHI KIHÜM HUHTANYU 3:8

Dale tüsho, “Atsü arüpü thsungkheak isanü amütsü rhimoanü” de isanü tümüde müthapü? Mihtsürü khürünü hadürü thade I mükhemükimdo! Arü thülünde abahyukbah.

2 KORINT 6:8

wüntre tüsho wüntre mülakhi ching, isa mükhemükim tüsho shijih. Isa akeangyu tharü khejih, tüshe thiyuro lah;

1 PETER 3:16

tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah.