NEHEMIA 6:13 - AMÜSÜH HÜM CL Bible (BSI)

¹³ Arünü api muloa I amünean ching müzünyukkhinü mung atsü dükheakshihde ajunopü lüm.

NEHEMIA 6:13 Iomraidhean Croise

NEHEMIA 6:12

Küyimki inü lümakheahkhea, Shemaia kheak Thrünpuhnü masukachih de lümlo, tüshe Tobia le Sanballat bünenü abuknimbah I müzünshih-a lah.

NEHEMIA 6:6

Ha ruk thrüt, “Nü tüsho Jihudarübonü mührü azhihde münitpü thsüde chipi thsülokhi hode mühi lomibo ching arhunganimchoh de Geshemnü I ki tha, jumonü nünü chipi thsülochoh. Tüsho arü kurungkheak nü kiulongthsüpuh thsübah de thado.

MÜCHITMUDU 22:1

Lakhit ato kheaknü mung atsü mokhitbeah, tüsho shotoyinchi le suna kheaknü amuzho atsübe.

MÜCHITMUDU 29:5

Mihtsürü shepünü api yamhingrü mülapyukchonü anihbuh jing thsungkheak azheang zochoh.

T H S AN GYU T H S AN GR ARÜ 7:1

Mung atsü ju rhümthünea kheaknü atsübe, tüsho zübe nimung kheaknü ashe nimung atsübe.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

JEREMIA 1:17

Tüshe nü, nü chim rümang; asürang tüsho inü nü ki thiyukhüm jihkhi alala arü ki thaang. Arü miki dütre jude yungsho inü nü arü miki treshihbah.

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

EZEKIEL 2:6

Tüsho mihtsürü tsührü, nünü arü ki yungsho arü yubo dütre. Nü mühide ayangsang tüsho ayangbo lalashe tüsho lungthsühribo lung nü lalashe nünü dütre. Arü ju azhih yamkhün thsüthsü she, arünü athakhi yungsho arünü müzünkhi dütre.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

MATHI 22:15

Judüki Pharisirübonü yü tüsho anihbuh yubo chingnü api phuhpü lümkhibo thsü.

MATHI 26:59

Kheakü amükeam putungrübo, azothsürübo, tüsho kiuthsü-binkiu alalanü api sheshihpü Jisu azhihde arükchih thiyumütsan yim,

YUNIRÜBO RHIMO 6:13

Arünü arükchih thiyumütsan jihde tha, “Ha mihtsürünü kamruhroro isa amüsüh arüngyam tüsho Mosa yakzan azhihde athapü mutuklo;

2 KORINT 11:12

Arü kükheangküyang rhimo ching isa nangde rhimochoh de atharü zhipdopü inü tümü rhimochonü mutukzhakde arhimobah.

1 TIMOTHI 5:14

Jumonü inü alümkhia anüphulung khimoberü a rhangbah tsührü lade, arü yambuk tsangshubeah, tüsho isa riri kilim isa azhihpü kim müjihbeah.

2 TIMOTHI 1:7

tümüde Thrünpuhnü isa kilim trechihtrean me jihkhi yung tüshe wu, amuzho tüsho zangrü danyukkhi me ah.

TITA 2:8

tüsho mübahyukkhukpü thsüde tsüdakde athakhi huhang, junangde sherünü nü ki azhihchonü isa dünkheak amütsü thapü mülamonü achih ngübah.

JAKOB 4:17

Shepünü alim rhimopü mükheahbah ju rhimopü lakphahchonü, api thsungkheak ju neak ah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”