NEHEMIA 6:12 - AMÜSÜH HÜM CL Bible (BSI)

¹² Küyimki inü lümakheahkhea, Shemaia kheak Thrünpuhnü masukachih de lümlo, tüshe Tobia le Sanballat bünenü abuknimbah I müzünshih-a lah.

NEHEMIA 6:12 Iomraidhean Croise

NEHEMIA 6:11

Inü alo, “I alihde ajikrü mihtsürü yung. Arüngyam ching jikde I rhangdung khümkhitbah de nünü lümcho shi? Inü jude müthsü.”

NEHEMIA 6:13

Arünü api muloa I amünean ching müzünyukkhinü mung atsü dükheakshihde ajunopü lüm.

ISAIA 56:11

Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo.

JEREMIA 14:14

Tüsho Atungpuhnü I ki tha: Wukihrübonü I mung ching akeangyu müchitchoh; inü arü müthiyi, yungsho arü ki thiyukhüm müjih yungsho arü ki masuk. Arünü nü ki akeangyu michih, müthülünkhi müchityu, tüsho arü nihbuh akeangyu lümkhi müchitchoh.

JEREMIA 23:16

Wuto Atungpuhnü ha thachoh: Nüsa ki müchitrü wukihrübo yu dani; arünü nüsa bemüchihchoh. Arünü nihbuh lümkhi michih asukchoh, Atungpuh mün chingnü yung.

JEREMIA 23:25

Akeangyu müchitrü wukihrübonü I mung chingnü athakhi inü sodo, “ Inü mido, inü mido!”

JEREMIA 28:15

Tüsho wukihbuh Jeremianü wukihbuh Hanania ki tha, “Aniang, Hanania, Atungpuhnü nü müthiyi, tüsho nünü ha mihtsürübo akeangyu ching kinshihchoh.

EZEKIEL 13:19

Barli müyikhüh tüsho yikhap dütrekhüh dün nüsanü I mihtsürü bolung I müneanjihdo. I mihtsürü ki akeangyu thaa anishihde, nüsanü müshepü larü laksahdo tüsho mülapü larü lashihdo.

EZEKIEL 13:22

Nüsa akeangyubo hode inü müyuripü lümkhi mihtsürü atsü mulong ninishih. Nüsanü mihtsürübo amütsü tuklopü tüsho arü rhangdung khümkhitpü chingnü zhipdo.

EZEKIEL 13:7

Inü masuka lalashe, nüsanü, “Atungpuhnü thachoh” de athachoki arükchih michihbo tüsho akeangyu müchitkhibo nüsanü müngü de?

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

YUNIRÜBO RHIMO 20:33

Inü she yo shotoyinchi, suna yungsho khimmih mümürühde lado.

1 KORINT 12:10

püpü kilim khinthiyinbe rhimopü, püpü kilim müchitpü, püpü kilim mebo dükeak kheahkhitkhukpü, püpü kilim thiyutha aphuaphu, püpü kilim thiyuthabo thanakpü lah.

1 KORINT 2:15

Me lakhi mihtsürünü lüpdükhi yukhappü kuklah, tüshe shenü she api yukhappü mukuk.

1 TIMOTHI 3:3

amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

TITA 1:7

Tümüde borü limberü ju Thrünpuh rhimo atoathüprü a le, areak mükihde alabeah; api ju bukmüke yungsho asungsung yungsho amüshangrü yungsho athsümünim yungsho alü thsüpü bukmükhüt mülabeah,

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

AMIKHEAKAKHIUKKHI 18:13

sinamon sang, thüneathürabe, rhümkebe, rhümthüneabe, jinjinlak, yukhu, müdangke, ayikangkang, tüsho wheat atsüdak, moshi tüsho namfimihnubo, khorabo tüsho khoralolungbebo, azhorübo tüsho mihtsürübo rhangdung.