NEHEMIA 6:11 - AMÜSÜH HÜM CL Bible (BSI)

¹¹ Inü alo, “I alihde ajikrü mihtsürü yung. Arüngyam ching jikde I rhangdung khümkhitbah de nünü lümcho shi? Inü jude müthsü.”

NEHEMIA 6:11 Iomraidhean Croise

NEHEMIA 6:12

Küyimki inü lümakheahkhea, Shemaia kheak Thrünpuhnü masukachih de lümlo, tüshe Tobia le Sanballat bünenü abuknimbah I müzünshih-a lah.

NEHEMIA 6:3

Jumonü yunithsürü thiyia thiyusheak hanbah arü ki yünü thashih, “I rhimo adungto rhimochoh dale I makikhuk. Nüsa shorupü akipü thsungkheaknü I rhimo tuklobea de?”

NEHEMIA 6:9

Isa sühmüh mülade rhimo tukloshihpü thsüde arünü amüzünpü mürang. Tüshe inü tamkhüntamnü, “Tütüshe, Thrünpuh I reangzahshang!”

MUNGSHIKHÜN 112:6

Tsükjide küyimkishe api matrüt; thiyuro-lungkirü lünnü alümkhitbah.

MUNGSHIKHÜN 112:8

Api mulong murozhak yungsho mütre; api riribo kukkhi ngüpü lungdode lah.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

T H S AN GYU T H S AN GR ARÜ 10:1

Ashekhi somünaknü arhümthüneabe arhüm mükede kamshihchoh, junangde aninikhüh makhakhinü lümlung tüsho akinashu lakphüneanchoh.

ISAIA 10:18

Api müretahkhi murung tüsho sangaso lo Atungpuhnü me tüsho pang ane chido thsümünimbah, tüsho ju ashebe tukthsünü mihtsürü thsümünimkhi nangde alabah.

WÜHKHE 3:10

Jumonü nünü Aron le atsührübo rhimo ching yüzahshang, tüsho arünü arü amükeam rhimo thsübah; tüshe püpürü shepünü phünide arübanü api asheshihbah.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 21:13

Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

YUNIRÜBO RHIMO 8:1

Tüsho api shekhi ju Saulnü mülüjih-a lakheah. Tüsho ju nimung Jirusalem ching borü azhihde thsümüchi ato akhiuk; tüsho amüsüh-thsangyurübo kheak hode, arü alala Judea tüsho Samaria lomibo ching müzütabah.

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

FILIPI 2:30

tümütüsho nüsanü mukukkhi, api rhangdung jihde I rungpü ching, Khrista rhimo thsungkheaknü api shemüchihdo.

IBRI 11:27

Akin hode apinü kiulongthsüpuh bukakhiukkhi mütrede Ijip bahbah tso; tümüde apinü amüngübuh ngükhinü arümkhuk.

1 SAMUEL 19:5

tümüde apinü Filistiarü yanchoki arhangdung shuhmülanga jihdo, tüsho Atungpuhnü Israel alala thsungkheak akuk ngükhi ato handarüdo. Nünü ju ngü tüsho asühachihdo; dale tümü thsükhi amülim mülarü David laksahkhinü neak yihbeakba le?”