NEHEMIA 6:10 - AMÜSÜH HÜM CL Bible (BSI)

¹⁰ Judüki Mehetabel tsührü Delaia tsührü Shemaia aramyu tharü, ayam ching khimdobah abinkhi shorupü I yü. Apinü tha, “Nü tüsho I Amüsüh Arüngyam ching yünü rihdoa jika binanü, tümüde nü laksahpü arümuroh. Tüsho nü azhing ching laksahpü arübah.”

NEHEMIA 6:10 Iomraidhean Croise

THRÜNTAN 36:39

Akbor tsührü Baalhanan sheabah, tüsho Hadarnü api müthri kiulongthsü. Api kiuto mung Pau tüsho aniube mung Me-zahab tsührübe, Matred tsührübe Mehetabel lakheah.

1 KIULONG THSÜRÜ 6:5

Khuhto khiungshak tüsho arüngyam alunglim yande apinü dukhukimpü thsü, ju ching arheanglim akhiungshakbo lakheah.

2 KIULONG THSÜRÜ 11:3

Athalianü lomi kurungkheak kiulongthsüchoki api alibe lung kam thuruk Atungpuh yam ching jika lakheah.

2 KIULONG THSÜRÜ 9:8

Tümüde Ahab yamkhün athrünkhi dükheakbah; inü Israel ching Ahab kheaknü athrürü aban, rhüka lakhi yungsho zuzu lakhi kheamshihbah.

2 KIUTHSÜYUKHEAN 28:24

Ahaznü Thrünpuh yam pungphurubo hanmukhung tüsho ju adütre kamde kiuthünak. Apinü Atungpuh yam khimdopübo rihkham tüsho anihbuhnü Jirusalem mühit aban ching kingaün sadambo thsü.

2 KIUTHSÜYUKHEAN 29:3

Anihbuh kiulongthsü atankih kam, akhuhbe khinu ching apinü Atungpuh yam khimdopübo khimshuh tüsho thsülo.

2 KIUTHSÜYUKHEAN 29:7

Arünü mükü khimdopübo she rih, tsünpungbo yihmüt, tüsho Israel Thrünpuh kilim amüsüh dangpung ching rhümthüneabe müjih yungsho taka mükingaün.

EZRA 10:31

Harim tsührübo: Eliezer, Isshija, Malkhija, Shemaia, Shimeon,

EZRA 8:16

Inü limberü harü thiyi: Eliezer, Ariel, Shemaia, Elnathan, Jarib, Elnathan, Nathan, Zekaria tüsho Meshullam, tüsho huhzühuhdoshihpü, Joiarib tüsho Elnathan.

NEHEMIA 6:12

Küyimki inü lümakheahkhea, Shemaia kheak Thrünpuhnü masukachih de lümlo, tüshe Tobia le Sanballat bünenü abuknimbah I müzünshih-a lah.

MUNGSHIKHÜN 12:2

Mihbüm abannü api yamhingrü ki akeangyu thachoh; arünü münjipjipde mülapyukchoh.

MUNGSHIKHÜN 37:12

Mihbukmuyuknü thiyuro-lungkirü azhihde lümkhi asahchoh, tüsho api kheak hü züchoh.

MÜCHITMUDU 11:9

Yiuhkhaprünü api münnü ayamhingrü thsümünimchoh, tüshe mükheahmudu hode thiyuro-lungkirü bekhitchoh.

JEREMIA 36:5

Tüsho Jeremianü Baruk ki thiyukhüm jihde tha, “ I Atungpuh yam ching yüzahpü mümülü;

EZEKIEL 3:24

Judüki I kheak me arü tüsho I jing shuhkihjih. Apinü I ki asuk tüsho tha: “ Yüang, nü yam ching nü rihdoang.

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

MATHI 7:15

“Arükchih wukihrübo dünkheak kümkangang; arünü namfimihnu küp yihbah nüsa kilim arüchoh tüshe alung ching a arübo ju amütsü rimrebo ah.

JOHAN 3:20

Tümüde amütsü rhimorü abannü ayin thraneanchoh tüsho ayin lim marü, jude yungsho api rhimobo lahkhitbah.

YUNIRÜBO RHIMO 21:30

Kiuto abümnü alanajide wusu, tüsho alala thripnü mihtsürübo alihde arübah Paul ram tüsho arüngyam chingnü yankhit. Tüsho ripit nahde rihabah.