NEHEMIA 5:7 - AMÜSÜH HÜM CL Bible (BSI)

⁷ Tsüde lümakheahbah inü limberü tüsho atorübo thürühde tha, “Nüsanü nüsa keoniorü sholü tsühchoh!” Jumonü arü azhihde inü boto jimukhung.

NEHEMIA 5:7 Iomraidhean Croise

MUNGSHIKHÜN 109:11

Shozüngrünü api lakhi alala lushang, tüsho hanrünü api rhimokhi yankhia lushang.

MUNGSHIKHÜN 15:1

Atungpuh nü arüngkhimyam ching she laba? Nü amüsüh wung kheak she laba?

MUNGSHIKHÜN 15:5

shepünü nihbuh sho alü thsüpü münipshihcho, tüsho amülim mülarü azhihde buknim mulucho. Shepünü harü rhimochonü küyimkishe matrüt.

MUNGSHIKHÜN 27:8

Nünü tha, “Nünü I miro yimang.” I mulongnü nü ki thachoh, “Atungpuh , inü nü miro yimchoh.”

MUNGSHIKHÜN 4:4

Nü bukakhiukkhi ching neak düyihbeak; nü yapkiu kheak nü mulong ching lümakheahang tüsho zhikde laang.

MUNGSHIKHÜN 94:16

Amütsü rhimorü azhihde I thsungkheak shepü asürüba? Amülim rhimorü azhihde I thsungkheak shepü zhipba?

ABEKHIT 22:24

tüsho I bukakhiukkhi takde akambah, tüsho inü nüsa nukshangnü alaksahbah; nüsa niuberü ju khimoberü tüsho nüsa tsührübo mürerü kambah.

ABEKHIT 22:25

“Nüsanü nüsa lung lakhi zhochihrü I mihtsürü ki sho nipshihsho, nüsanü api ki shonip-jihrü nangde müthsübeah; nüsanü api ki sholü dülu.

MÜCHITMUDU 27:5

Aramlimnü amuzhokhi kheaknü a amikheaknü athürühkhi atsübe.

MÜCHITMUDU 28:4

Shepünü yakzan bahyukchonü mihbukmuyuk shijihchoh, tüshe shepünü yakzan zochonü arü azhihchoh.

EZEKIEL 22:12

Nüsa mihtsürü khürünü thiyih bukkhi buknim luchoh; nünü sholü alü luchoh tüsho nü yamhingrü kheaknü jangkhijangrakhinü alarü kamchoh. Tüsho nünü I mihabahdo, Wuto Atungpuhnü thachoh.

EZEKIEL 45:9

Atungpuh Thrünpuhnü ha thachoh: Suhdo, O Israel kiulongthsürübo! Athsümünim tüsho junokhi bahyukang, tüsho tümü thiyuro tüsho alungkianü rhimoang. Nüsanü I mihtsürü yankhitkhi arün thsang, Atungpuh Thrünpuhnü thachoh.

LEVI 19:15

Nünü thiyuro müthade mah dükhap; nünü zhochihrü ki jak dükheah, yungsho atorü ki dütre: Thiyuronü nünü nü yamhingrü mahkhapang.

LEVI 25:36

Api kheaknü sholü tümü dulu; tüshe nü Thrünpuh treang; arübo nü lung lashang.

MATHI 18:17

Apinü arü yu manisho, borü ki thaang; tüsho apinü borü yu she manisho nüsanü api ju amükinrü yungsho ruk-threrü nangde khejang.

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.

GALATIA 2:11

Küyimki Peter ju Antiok ching arükhea, inü api mikinü azhih, tümütüsho api ju mütsande amülim lakheah.

1 TIMOTHI 5:20

Sherünü neak yihbeakchonü boto mikinü thürühang, junangde aninga larübonü atrekhi ching zhipbah.

TITA 2:15

Harübo khipkhitang; thiyukhümsühmüh alalanü tuthsukang tüsho thürühang. Shenü she nü mükhemürang düthsüshih.