NEHEMIA 5:15 - AMÜSÜH HÜM CL Bible (BSI)

¹⁵ I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

NEHEMIA 5:15 Iomraidhean Croise

THRÜNTAN 20:11

Tüsho Abrahamnü alo, “Tümütüsho atsütsünü ha dangpung ching Thrünpuh trekhi müla, tüsho arünü I niube dünkheaknü I laksahbah de inü lüm.

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

NEHEMIA 5:16

I sühmüh alala chipi thsülopü ching lang bahdo tüsho yamrüplurüp tümü mulu. I yamlarübo alala rhimo thsungkheak mukhungdo.

NEHEMIA 5:9

Tüsho inü tha, “Nüsanü arhimokhi ju amülim ah! Nüsanü Thrünpuh ki mihyu anibeah tüsho alungki rhimobeah. Jude athsükhinü isa riri khiungkerü ki isa luhmünepü thsüde nüsanü amütsan tümü müjihde alabah.

JOB HU H T ANYU 31:23

Tümütüsho Thrünpuh kilimnü athsümüchibe ju inü trede alakheah, inü küyimkishe müthsükhuk.

MUNGSHIKHÜN 112:1

Atungpuh shiang! Mihtsürü shepünü Atungpuh trecho, shepünü api yukhümbo ching tode asühchonü müngühmühi.

MUNGSHIKHÜN 147:11

Atungpuhnü api trerü, api amüthsüm ching mulonglamrü kheak asühchoh.

MÜCHITMUDU 16:6

Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 29:12

Yakzanshuhrünü akeangyubo anisho, api torü alala mihbukmuyuk kamchoh.

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

JEREMIA 32:9

Tüsho inü I buhdo tsührü Hanamel kheaknü Anathoth ching lakhi thulu ju thulo, tüsho api kilim shotoyinchi 17 adüna jih.

TÜZHOKHI 5:8

Azhorübonü isa kurungkheak yakzan shuhchoh, arü khah chingnü isa bekhitpü she müla.

MATHI 5:47

Nüsanü nüsa keoniorübo ki lang asukachihsho, püpürü kheaknü alü nüsanü tümü rhimocho? Amükinrübonü she ju rhimochoh yung de?

2 KORINT 11:9

Tüsho küyimki I nüsa lung lakhea tüsho yihnüpü lakhea, inü sheshe hahmülang müjih, tümüde I yihnüpübo Macedonia chingnü arükhi I keoniorübonü jih. Junangde ahokhi ching nangde tümü ching she inü nüsa hahmülang müjih.

2 KORINT 12:13

Inü nüsa kheak hahmülang müjihkhi kheak hode, püpürü borübo kheaknü nüsa küdükhüh abobe lakhea? Ha amülim I ki neak bahjang.

1 SAMUEL 8:15

Apinü nüsa hi tüsho kurungasobo chingnü thürü shihcham lubah api yo atorübo tüsho ayamlarübo kilim jihbah.