NEHEMIA 4:7 - AMÜSÜH HÜM CL Bible (BSI)

⁷ Küyimki Sanballat, Tobia, tüsho Amonrü tüsho Ashdodrünü Jirusalem chipi thsüchoh tüsho akhünbitbo lakdokhamchoh de asokheanü arünü khide bukakhiuk.

NEHEMIA 4:7 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

2 KIULONG THSÜRÜ 24:2

Atungpuhnü api azhihde Kaldea, Siria, Moab, tüsho Amon bonungrübo yüshih; apinü ayamlarü wukihrübo hode asukkhi Atungpuh yu yande Juda azhihde dükheakshihpü arübo yüshih.

2 KIUTHSÜYUKHEAN 20:1

Ha dunglim Moabrü le Amonrü, tüsho arü lung Meunrü khürünü Jehoshaphat bede keochihpü arü.

EZRA 5:8

“Nü ki mükheahshihpü lümkhi ju, isa Juda lomi ching Ato Thrünpuh yam ching yüdo. Lung atotonü khimtanbah thrüna lah, tüsho abinkiu kheak rhü zünlah; ha rhimo ching khide jinjihde rhimokhamde yümuroh.

NEHEMIA 2:10

Tüshe Sanballat Beth-horon kiuto chingnü tüsho Tobia Amonrü, Israelrü thsungkheak rungde arhimorü arüa lah de sobah ane mulong masühde kam.

NEHEMIA 2:19

Küyimki Sanballat, Tobia tüsho Arabrü Geshem arünü isa akeanangkhi sokhea, arünü isa kheak münejihde tha, “Nüsanü rhimocho ju tümü ah de lümcho le? Nüsa kiulongthsüpuh azhihpü thsücho de?”

NEHEMIA 4:1

Küyimki Sanballatnü isa chipi thsülochoh de asokhea, abukakhiukde Jihudarü ki bahyukde münejih.

NEHEMIA 4:6

Junangde isanü chipi ju achanglim aphulungachih khiungde nahde zünkih, tümüde mihtsürübonü mulong jihde rhimo.

NEHEMIA 4:8

Jumonü arünü mulomülapde Jirusalem yanpü arü tüsho ju ching neamneamjih,

NEHEMIA 6:16

Küyimki isa riri mühirü lomibonü ha sokhea, arübo tre tüsho achihde lüm tümüde Thrünpuh arung hode rhimo akhik thsüdo de mihbüm abannü mükheah.

JEREMIA 25:20

khiungkerü larü alala; Uz lomi ching kiulongthsürü alala; Filistia lomi ching kiulongthsürü alala– Ashkelon, Gaza, Ekron, tüsho Ashdod ching aningkhi;

JEREMIA 41:10

Judüki Ishmaelnü Mizpa ching aninga lakhi mihtsürü alala, kiulongthsüpuh tsührübe tüsho aheangrü wühkenobuh Nebuzaradannü Ahikam tsührü Gedalia kilim jihkhi mihtsürü alala rama lubah yü. Nethania tsührü Ishmaelnü arübo rama lu tüsho Amonrü hode ayüpü tsahmusu.

AMOS 1:13

Atungpuhnü ha thachoh: Amonrünü alochode neak yihbeakkhi dünkheak, inü thsümüchi mululo; tümütüsho arünü arü lomi mükahshihpü Gilead ching mübünkeangrübo kiuashungjih.

AMOS 1:8

Ashdod ching larü tüsho Ashkelon ching kiulongthsü-tso shuhbuh inü mülade akamshihbah; I khahnü Ekron azhihbah, tüsho Filistiarü aningkhi dükheakbah, Atungpuhnü thachoh.

AMOS 3:9

Ashdod tüsho Ijip chipibo ching zhiyukang, “ Nüsabo Samaria wungbo kheak mukhungang, tüsho ju ching tümü neamneamruru la, tüsho tümü ajunokhi lanü kheahang.”

YUNIRÜBO RHIMO 5:33

Küyimki arünü ha sokheanü bukakhiuk tüsho arü laksahpü kün.

AMIKHEAKAKHIUKKHI 12:17

Judüki dragonnü alibe kheak bukakhiuk, tüsho aningkhi anihbe tsührübo, Thrünpuh yuzüngbo tüsho Jisu thiyumütsan zorü bede thirithsüpü yüabah.

1 SAMUEL 11:2

Tüshe Amonrü Nahashnü arü ki tha, “ Ha hodü lang inü nüsa kheak thiri müthsüpü tangzüngbah, Israel alala kheak masühkhi arüshihpü thsüde inü mihbüm aban mükji tsülim khünkhitbah.”