NEHEMIA 4:2 - AMÜSÜH HÜM CL Bible (BSI)

² Amüyamrü tüsho Samariarü bonungrü mikinü apinü tha, “Harü süküp mülarü Jihudarübo tümü thsücho? Arünü kiuto thsülokhukba de? Arünü rhangdung shuhmülanga jihba de? Arünü nimungkhühnü rhimo banba de? Atakkheamkhi lungbonü arünü thüyam thsülokhukba shi?”

NEHEMIA 4:2 Iomraidhean Croise

EZRA 4:4

Tüshe ju lomi ching larübonü arüngyam müthsüshihpü Jihudarübo mulong ninishihpü müzün,

NEHEMIA 12:27

Jirusalem chipi müsüchoki, Levirü alala nihbuh lapung chingnü jiyuk, tüsho arünü larüp, bingshang tüsho bingkhungbo shuhbah makshe jihkhi khünbo thsü.

NEHEMIA 12:43

Ju nimung kingaün ahihkhüh jihde, tüsho mihtsürübo asühkhinü mi tümüde Thrünpuhnü arübo khide asühpü jih. Aliberü tüsho azürübo müsükhitkhi münchi ching be, tüsho arü alalanü alankhi ju limshu chingnü she so.

NEHEMIA 4:10

Juda mihtsürübonü tha: “Rhimorübo sühmüh yiuhyiuhabahchoh, lungjinim ahihdo wua bahpü lah; isanü chipi müthsükhuk.”

NEHEMIA 6:15

Nimung thünimkheak mahne ni rhimoshu Elul khinu nimung mukukheak phüngü nipü ban.

MUNGSHIKHÜN 83:4

Arünü tha, “Arang, tüsho nüsanü arü trükshih chingnü dükheakshihanü, junangde Israel mung kheaküa mülümkhit.”

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 33:24

Nünü mihtsürübonü harü thakhi manikhit de, “Atungpuhnü mokhitkhi yamkhün mahne apinü bahyukdo,” tüsho trükshih khülang mükhejihde künangde arünü I mihtsürü bahyukcho?

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

ZEKARIA 12:8

Ju nimung ching Atungpuhnü Jirusalem ching larü tsungdobah, junangde arü bolung sühmüh mülarü ju nimung David nangde alabah, tüsho David yamkhün ju arü müngüh Atungpuh yunirü nangde Thrünpuh ruk labah.

ZEKARIA 4:10

Tümüde sherünü anükhüh lang arhimokhi nimung mükhemükimkheanü asühachihbah, tüsho Zerubbabel khah ching akeara-liu ngübah. “Harü thüne ha alomi athrünkhi ngükhi Atungpuh mükbo lah.”

1 KORINT 1:27

tüshe lümlung larü achihshihpü Thrünpuhnü alomi ching makharü mokhit, sühmüh larü achihshihpü Thrünpuhnü alomi ching ayiuhyiuhrü mokhit.