NEHEMIA 3:15 - AMÜSÜH HÜM CL Bible (BSI)

¹⁵ Kolhoze tsührü Shallum, Mizpa lokhüm chamkhüh yakzanshuhbuhnü Kenü Chipiripit thsülo. Apinü chipiripit limro thüning lim she muhiudo tüsho ripitbo awopung wode akhrihbe yukkham. Kiulongthsüpuh wündo ki Shela kedükim chipi she David kiuto chingnü limro dukkhi chinde yüzahkhi khiungde thsülo.

NEHEMIA 3:15 Iomraidhean Croise

2 SAMUEL 5:9

Davidnü chipi ayünkhi müküh, tüsho David kiuto de ji. Millo kinü rünbah alala mükamde Davidnü kiuto thrün.

2 KIULONG THSÜRÜ 25:4

Judüki kiuto chipi ching ahopung thsakham; Kaldearünü kiuto mükamde zündodo she kiulongthsüpuh lung bonungrü alala kiulongthsüpuh shahwün ki, chipi mahne dükeak ripit chingnü tsoabah. Arünü Araba thrippeang yü.

2 KIUTHSÜYUKHEAN 32:30

Ha buh Hezekianü Gihon ke bukkhi akulim yihdo tüsho David kiuto aniyüzahlim yükishih. Hezekianü arhimokhi alala ching akuk ngü.

NEHEMIA 12:37

Kedükim Chipiripit ki arünü David kiuto limpeang limduk yande wutubah David yam ho, tüsho kiuto aniakhiukhlim Ke Chipiripit lim alode arü.

NEHEMIA 2:14

Tüsho aniakhiuklim Kenü Chipiripit le kiulongthsüpuh kedükim yimde kumung lim wutu. Inü abekhi donkinü lungtraktrak hode müyükhuk,

NEHEMIA 2:17

Tüshe inü arü ki tha, “ Kheahang isa küdükhüh thsünükhi ching la, tümüde Jirusalem thsümünima lah tüsho chipiripitbo monü taka lah! Arang, isanü Jirusalem chipi thsüloanü, ju hode isa kheak mihmüthsüm mülakhi arün thsüshihanü.”

NEHEMIA 3:12

Hallohesh tsührü Shallum, Jirusalem lokhüm chamkhüh yakzanshuhbuhnü ju khin thsü (atsührübebonü she rhimorung).

NEHEMIA 3:14

Rekab tsührü Malkhija, Beth-hakkerem lokhüm chamkhüh yakzanshuhbuhnü Müneanmuru Chipiripit thsülo. Apinü ripit rihbebo yukkham.

NEHEMIA 3:19

Jeshua tsührü Ezer, Mizpa yakzanshuhbuhnü ju khin molühyam müngüh, chipi kiklopung khiungde thsüde wutu;

NEHEMIA 3:7

Ju khin Aniyüzahlim Euphra kovünor bukkhüp larü Gibeonrü Melatia, Meronothrü Jadon tüsho Gibeon le Mizparübonü thsü.

NEHEMIA 3:9

Hur tsührü Rephaia, Jirusalem lokhüm chamkhüh yakzanshuhbuhnü ju khin thsü.

T H S AN GYU T H S AN GR ARÜ 2:6

Sangdung mukhuhkhi ke duhpü thsüde kekungbo kiu.

ISAIA 8:6

Tümütüsho ha mihtsürübonü keamde abukkhi Shiloa ke thsunglo, tüsho Rezin le Remalia tsührü trekhinü niuthünak;

JEREMIA 40:6

Jushu Jeremianü Mizpa ching Ahikam tsührü Gedalia kilim yü, tüsho lomi ching aninga larü mihtsürübo lung api ki la.

LUKNÜ ATHRÜTKHI THIYUSHEAK-ATSÜ HUHTANYU 13:4

Yungsho Siloam ching rünchang arü 18 kheak keambah alaksahkhi, arübo ju Jirusalem ching larü püpürü mihtsürü alala kheaknü aneakrü amütsübe lakheah de nüsanü lümcho shi?

JOHAN 9:7

Tüsho apinü anihbuh ki tha, “Yübah Siloam (amütsan yüshih) kekhip chingnü müsühang.” Jumonü apinü yübah müsüh tüsho ngüde alodarü.

MAHKHAPRÜ 20:1

Judüki Israelrü alalanü Dan chingnü Beersheba tüsho Gilead lomi chingnü akhiukbah Atungpuh miki Mizpa ching mukhung.

MAHKHAPRÜ 20:3

(Kheakü Benjaminrünü Israel mihtsürübo Mizpa ching wutudo de so.) Tüsho Israel mihtsürübonü tha, “ Ha athsümünim rhimo künangde adünjikheanü isa ki thaang?”