NEHEMIA 3:14 - AMÜSÜH HÜM CL Bible (BSI)

¹⁴ Rekab tsührü Malkhija, Beth-hakkerem lokhüm chamkhüh yakzanshuhbuhnü Müneanmuru Chipiripit thsülo. Apinü ripit rihbebo yukkham.

NEHEMIA 3:14 Iomraidhean Croise

2 SAMUEL 4:2

Kheakü Saul tsührü a thirithsü ching wühkenorü mahne lakheah; khülang mung Baana, tüsho püpü mung Rekab. Ane Beeroth chingnü Benjaminrü Rimmon tsührü ah–tümüde Beeroth ju Benjamin trük chingnü alakheah.

2 KIULONG THSÜRÜ 10:15

Küyimki api ju chingnü atsokhea, apinü Rekab tsührü Jehonadab anihbuh shorupü arükhi shoru; apinü anihbuh ki salüm jih tüsho api ki tha, “Inü nü kheak thiyuro lakhi nangde nü mulong I kheak thiyuro la shi?” Jehonadabnü alo, “Ju ruk ah.” Jehunü tha, “Ju ruk a sho, nü khah I kilim jihang.” Jumonü apinü anihbuh kilim akhah jih. Jehunü api anihbuh lung khoralolungbe ching bekih.

1 KIUTHSÜYUKHEAN 6:40

Maikel tsührü, Baaseia tsührü, Malkija tsührü,

NEHEMIA 12:31

Inü Juda limberübo chipi ku kheak bekihbahle bo mahne chamjih tüsho Thrünpuh ki makshe jihde amükampü yü. Akhuhbe boto ju tsülimpeang chipi ku kheaknü Müneanmuru Ripit lim dungde yü.

NEHEMIA 2:13

Azhing ching ju kiuto chingnü tsahmusubah Jindükhün Chipiripit huzulimpeang tüsho jingbolim shirung shihye hode müneanmuru bahpung chipiripit lim yü. I yübah kiuto chipi keamkhi tüsho chipimurungbo monü takabahkhi chinzhina kheah.

NEHEMIA 3:9

Hur tsührü Rephaia, Jirusalem lokhüm chamkhüh yakzanshuhbuhnü ju khin thsü.

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.