NEHEMIA 2:8 - AMÜSÜH HÜM CL Bible (BSI)

⁸ Tüsho kiulongthsüpuh sangmüküh neakbuh Asaph kilim, arüngyam shahwün chipiripitbo, kiuto chipi thsungkheak tüsho I lapung thsüpü sang jihshihpü kihüm thrütang de inü tha. Inü akheangkhi alala kiulongthsüpuhnü mülüjih, tümüde Thrünpuh I lung lakheah.

NEHEMIA 2:8 Iomraidhean Croise

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

EZRA 5:5

Tüshe Thrünpuhnü Jihudarü limberü kurungkheak kheahde alakheah, tüsho Persia kiulongthsü atorübonü arünü Darius kilim thrütbah alo-hüm müngüyichokia mutuklodü lang rhimoshih.

EZRA 6:22

Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.

EZRA 6:8

Arüngyam thsülochoki nüsanü Jihudarü azothsürübo kilim küruk rungbeanü inü thiyu jihchoh; wukhiukyüzahbe alala Aniyüzahlim Euphrarü ki ruk threkhi kiuthsü lakhit chingnü bahjang, junangde rhimo ju müyanshakshih.

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

EZRA 7:9

tümüde khinu akhuhbe atan ni Babilon chingnü tsahmusu, tüsho Thrünpuh arung hode khinu phüngü atan ni Jirusalem khiung.

NEHEMIA 7:2

I mihtsürü 2: I khiung Hanani tüsho Hanania, chipi kurungkheak aberü athülünkhi mihtsürü tüsho mührü kheak kihode Thrünpuh wüntrebuh ane Jirusalem kiuto kurungkheak yakzan shuhshihpü mokhit.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

T H S AN GYU T H S AN GR ARÜ 2:5

inü shahwünbo tüsho danawupungbo thsü tüsho ju ching sangaso dungbo mungji abande khim.

T H S AN GYU T H S AN GR ARÜ 2:6

Sangdung mukhuhkhi ke duhpü thsüde kekungbo kiu.

ISAIA 66:14

Nüsanü angübah tüsho nüsa mulong asühbah; nüsa robo rimkiu nangde shih kihbah; tüsho Atungpuh khah api yamlarübo kheak lah de mükheahbah, tüsho abukakhiukkhi api riribo azhihde lah.

DANIEL 1:9

Kheakü Thrünpuhnü akubeatobuh ki Daniel lümrhihshihpü jih.

YUNIRÜBO RHIMO 26:22

Khihni khiungde Thrünpuh kilimnü arükhi arung lah, junangde püpü thsungkheak müthade wukihrübo tüsho Mosanü athakhi dünjipü lakhi anini tüsho ato chido ki inü thiyumütsan thsüde zhiplah:

YUNIRÜBO RHIMO 7:10

api thsümütsü alala chingnü api bekhit tüsho Ijip kiulongthsüpuh Pharao miki amuzho tüsho lümlung jihbah apinü anihbuh Ijip tüsho api yamkhün alala kurungkheak kovünor kamshih.

2 KORINT 8:16

Inü nüsa thsungkheak lakhi nangde Tita mulong ching alümrhihpü jihbuh Thrünpuh ki makshe jihang.