NEHEMIA 2:4 - AMÜSÜH HÜM CL Bible (BSI)

⁴ Kiulongthsüpuhnü keokhi, “Nünü akünkhi ju tümü a?” Inü yinmi Thrünpuh ki tamkhüntamnü,

NEHEMIA 2:4 Iomraidhean Croise

2 SAMUEL 15:31

Ahithophel she aram-asukachihkhi lung belah de David ki tha. Tüsho Davidnü tha, “O Atungpuh , inü nü ki tamkhüntamnüchoh, Ahithophel athsunganahkhi ju makhashang.”

1 KIULONG THSÜRÜ 3:5

Gibeon ching Atungpuhnü azhing ching Solomon ki milim ching akhiuka huh; tüsho Thrünpuhnü tha, “Inü nü ki tümü jihbeanü kheangang.”

NEHEMIA 1:11

O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

NEHEMIA 1:4

Küyimki ha yu sokheanü inü zuhyuka binbah trip, tüsho nimung khünikhüh tüzhode yinmi Thrünpuh ki khümkeak thsüde tamkhüntamnüpü tankih.

NEHEMIA 1:5

Inü tha, “O Atungpuh yinmi Thrünpuh! Nü ato tüsho atrebe Thrünpuh; nü muzhorü tüsho nü yuzüng yanrübo kheak tangzüngkhi nünü zochoh.

NEHEMIA 2:20

Inü alo, “Yinmi Thrünpuhnü isa akuk ngüshihbah. Isa api tankihrünü thüyam thsüpü tankihbah. Tüshe nüsa Jirusalem yamrüplurüp lupü alim müla tüsho ju ching nüsa shihcham müla.”

NEHEMIA 2:5

tüsho kiulongthsüpuh ki tha, “Nünü mulongde inü amushukhi anijihsho, isa jipürü kiuyuka bahpung, Juda lomi ching kiuto thsülopü I yüshang.”

ESTER 5:3

“Ha tümüa kiulongthsüberü Ester?” de kiulongthsüpuhnü keokhi. “Nünü tümü künla I ki thaang, tüsho ju luang–mürangkhüh I kiulongthsü thripkhüh thsüthsü she ajihbah,” de tha.

ESTER 5:6

Kiulongthsüpuhnü yukhu yungde keo, “Nünü tümü künlanü thaang, tüsho ju luang. Nünü amushukhi anibah, I kiulongthsü thripkhüh thsüthsü she ajihbah.”

ESTER 7:2

Mahne nipü arü yukhu yungde alachoki kiulongthsüpuhnü Ester ki keokhi, “ Kiulongthsüberü Ester, nünü tümü künla? I ki thaang tüsho ju nünü angübah. I kiulongthsü thripkhüh thsüthsü she ajihbah.”

MUNGSHIKHÜN 136:26

O, yinmi Thrünpuh kilim makshe jihang! Tümüde api amüthsüm lünnü rünkhiungde lah.

MÜCHITMUDU 3:6

nü limrobo alala ching api mütsankhitang tüsho apinü nü limro alungki huhbah.

MARK 10:51

Tüsho Jisunü api ki tha, “Inü nü thsungkheak tümü rhimoshihnela?” Müktukkhi mihtsürünü api ki alo, “Thsangyurü, inü ngünelah.”

YUNIRÜBO RHIMO 23:19

Limthobuhnü akhah kheaknü thoa lu tüsho tsahhuhbah mükhingde api ki keokhi, “Nünü I ki thapü ju tümü a?”

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.