NEHEMIA 2:3 - AMÜSÜH HÜM CL Bible (BSI)

³ tüsho alo, “ Kiulongthsüpuh, kutsüpde laang! Isa jipürü kiuyuka bahpung kiuto thsümünima tüsho chipiripitbo monü takabah-a lachoki tümüde I mulong mutukthsüpü?”

NEHEMIA 2:3 Iomraidhean Croise

1 KIULONG THSÜRÜ 1:31

Judüki Bathshebanü alo kheak khukningde kiulongthsüpuh ki akin jih tüsho tha, “I tungpuh kiulongthsüpuh David lünnü laang!”

2 KIULONG THSÜRÜ 25:8

Khinu phüngü, nimung thüne nipü–küpü Nebukednezar Babilon kiulongthsü kam thürükheak tukupü lakhea–Nebukednezar, mih-aheangrü wühkenobuh, Babilon kiulongthsüpuh yamlarü Jirusalem ching arü.

2 KIUTHSÜYUKHEAN 21:20

Api kiulongthsü tankihchoki kam 32 azorü lakheah; apinü Jirusalem ching kam tizheah kiulongthsü. Shenü mülümrhihde api chamachih. Arünü api David kiuto ching kiuyukabah, tüshe kiulongthsürübo kiuyukbo ching yung.

2 KIUTHSÜYUKHEAN 28:27

Ahaz nihbuh jipürü lung yap, tüsho arünü api Jirusalem ching, kiuto ching kiuyukabah; tüshe arünü api Israel kiulongthsürübo kiuyukbo ching hande müyüzah. Api tsührü Hezekianü anihbuh müthri.

2 KIUTHSÜYUKHEAN 32:33

Hezekia nihbuh jipürü lung yap, tüsho arünü api David tsühsoniuso kiuyukbo wung kheak kiuyukabah; tüsho Juda le Jirusalem ching larü alalanü api shechoki wüntre jih. Api tsührü Manasenü anihbuh müthri.

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

NEHEMIA 1:3

Tüsho arünü I ki tha, “Lomi ching rhangdung larü ramtso chingnü alunglorübo thsümütsü ato ching lah tümüde arü hingrü khiungkerünü arü junode lah; Jirusalem chipi she kheakü khiungde keama yaplah, tüsho chipimurungbo she monü takabahdo.”

NEHEMIA 2:13

Azhing ching ju kiuto chingnü tsahmusubah Jindükhün Chipiripit huzulimpeang tüsho jingbolim shirung shihye hode müneanmuru bahpung chipiripit lim yü. I yübah kiuto chipi keamkhi tüsho chipimurungbo monü takabahkhi chinzhina kheah.

ESTER 8:6

I mihtsürübo kheak thsümütsü arükhi tüsho I trük laksahsho inü küde arümkhukpü?”

MUNGSHIKHÜN 102:14

Tümüde nü yamlarübonü anihbe lungbo kheak asühchoh, tüsho anihbe asungthulung ki amuzho huhchoh.

MUNGSHIKHÜN 102:15

Junangde trükshihbonü Atungpuh mung, tüsho alomi kiulongthsürübo alalanü nü müretahkhi trebah.

MUNGSHIKHÜN 137:6

Inü nü mülümkhitsho, inü Jirusalem ju I achangbe asühkhi mükhejihsho, I mulo I khühlüh kheak dakkihshang.

MUNGSHIKHÜN 38:7

I düthsün phülam takde thsülah; I shihphü atsü müla.

JEREMIA 52:12

Khinu phüngü, nimung thürü nipü–küpü Babilon kiulongthsüpuh Nebukednezar kam thürükheak tukupü lakhea–Babilon kiulongthsüpuh tankihrü, aheangrü wühkenobuh Nebuzaradannü Jirusalem ching yüzah.

TÜZHOKHI 2:9

Anihbe chipiripitbo alo ching keamyukdo; apinü akhrihbebo yihshak tüsho thsümünimdo; anihbe kiulongthsürü tüsho yakzanshuhrü trükshih bolung lah; kheaküa yakzan müla, tüsho anihbe wukihrübo Atungpuh kilimnü michih müngü.

DANIEL 2:4

Kaldearünü Aramik yu chingnü kiulongthsüpuh ki tha, “ O kiulongthsüpuh, kutsüpde laang! Nü yamlarübo ki milim kheanang, tüsho isanü thanaka huhbah.”

DANIEL 3:9

Arünü kiulongthsüpuh Nebukednezar ki tha, “ O kiulongthsüpuh kutsüpde laang!

DANIEL 5:10

Kiulongthsübenü küyimki kiulongthsüpuh tüsho api putungrübo atsangachihkhi sokheanü, aniojikhi yam ching yüzah. Kiulongthsübenü tha, “ O kiulongthsüpuh, kutsüpde laang! Nü lümkhilümduhbonü nü trede dükamshih yungsho nü miro pheakmulukdo dükam.

DANIEL 6:21

Danielnü kiulongthsüpuh ki tha, “ O kiulongthsüpuh, kutsüpde laang!

DANIEL 6:6

Jumonü kiuthsürü tüsho kovünorbonü kiulongthsüpuh kilim müjimde arü tüsho tha, “ O kiulongthsüpuh Darius, kutsüpde laang!

LEVI 26:31

Inü nüsa kiutobo akeangkeang kamshihbah tüsho amüsüh dangpungbo zhikabahshihbah, tüsho nüsanü arhümthüneabe kingaünkhi mümünimjih.