NEHEMIA 2:19 - AMÜSÜH HÜM CL Bible (BSI)

¹⁹ Küyimki Sanballat, Tobia tüsho Arabrü Geshem arünü isa akeanangkhi sokhea, arünü isa kheak münejihde tha, “Nüsanü rhimocho ju tümü ah de lümcho le? Nüsa kiulongthsüpuh azhihpü thsücho de?”

NEHEMIA 2:19 Iomraidhean Croise

NEHEMIA 13:28

Joiada ju Eliashib Achangbe Amükeambuh tsührü ah tüshe api tsührü bolung khülangnü Sanballat tsührü, Beth Horon kiuto ching lakhi yihlu, jumonü inü Joiada ju Jirusalem chingnü yana tsoshih.

NEHEMIA 2:10

Tüshe Sanballat Beth-horon kiuto chingnü tüsho Tobia Amonrü, Israelrü thsungkheak rungde arhimorü arüa lah de sobah ane mulong masühde kam.

NEHEMIA 4:1

Küyimki Sanballatnü isa chipi thsülochoh de asokhea, abukakhiukde Jihudarü ki bahyukde münejih.

NEHEMIA 6:6

Ha ruk thrüt, “Nü tüsho Jihudarübonü mührü azhihde münitpü thsüde chipi thsülokhi hode mühi lomibo ching arhunganimchoh de Geshemnü I ki tha, jumonü nünü chipi thsülochoh. Tüsho arü kurungkheak nü kiulongthsüpuh thsübah de thado.

NEHEMIA 6:9

Isa sühmüh mülade rhimo tukloshihpü thsüde arünü amüzünpü mürang. Tüshe inü tamkhüntamnü, “Tütüshe, Thrünpuh I reangzahshang!”

JOB HU H T ANYU 30:1

Tüshe kheakü I kheaknü azürübonü, sherü buhrübo namfimihnu aheangrü I yihnubo she mumokhea, arünü I luhmünechoh.

MUNGSHIKHÜN 123:4

Zuzu thsüde alakhi akükheangrünü isa luhmünekhinü isa me mithülamdo.

MUNGSHIKHÜN 79:4

Isa mühi trükshihbonü isa mükhemükimchoh; arünü isa ki münejihchoh tüsho keangrümünechoh.

MUNGSHIKHÜN 80:6

Nünü isa yamhingrü ki thirithsüshih, tüsho isa riribonü arü bolung münejihchoh.

MUNGSHIKHÜN 80:7

Isa laloshang, O Wuto Thrünpuh; nü miro yinshang, tüsho isa khümkhita labah!

ISAIA 36:5

Thiyubo lang thirithsü thsungkheaknü lümkhi tüsho sühmüh de nünü lümcho shi? Kheakü nü she kheak angübah I kheak azhihkhea?

JEREMIA 20:8

Tümüde küyimki inü asukkheanü, inü zhikhit, inü zhi, “ Khahleakleak tüsho athsümünim!” Tümüde I thsungkheaknü Atungpuh yu nimung amuyung mükhemükim tüsho keangrümüne kamdo.

JEREMIA 41:10

Judüki Ishmaelnü Mizpa ching aninga lakhi mihtsürü alala, kiulongthsüpuh tsührübe tüsho aheangrü wühkenobuh Nebuzaradannü Ahikam tsührü Gedalia kilim jihkhi mihtsürü alala rama lubah yü. Nethania tsührü Ishmaelnü arübo rama lu tüsho Amonrü hode ayüpü tsahmusu.

MATHI 9:24

apinü arü ki tha, “Atrütang, tümüde anünübe müshe, tüshe ayapshekhi lang lah.” Tüshe arünü api ki münejih.

MARK 5:40

Arünü api mükhemükimde münejih. Tüshe küyimki apinü arü wukhiukshihkhea, azürü abuh le abe, tüsho ane lung lakhi bea lubah azürü yappung ching yüzah.

LUKNÜ ATHRÜTKHI THIYUSHEAK-ATSÜ HUHTANYU 23:2

Tüsho arünü api chikhide athapü tankih, “Ha buhnü trükshih bemüchihkhi isanü ngüdo, tüsho api ju Khrista, kiulongthsüpuh de thade Kaesar kilim ruk jihpü tukloshihdo.”

JOHAN 19:12

Ju kim chingnü Pilatnü api dükhepü mürang, tüshe Jihudarünü zhide tha, “Nünü ha mihtsürü tsoshihsho, nü a Kaesar müyambuh yung. Shepünü nihbuh küdahnü kiulongthsürü kamchonü Kaesar azhihde asukchoh.”

YUNIRÜBO RHIMO 24:5

Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah.

IBRI 11:36

Püpübo kheah-a münejih tüsho rhap, tüsho rihyam ching rhüka yukde thsünü.