NEHEMIA 2:13 - AMÜSÜH HÜM CL Bible (BSI)

¹³ Azhing ching ju kiuto chingnü tsahmusubah Jindükhün Chipiripit huzulimpeang tüsho jingbolim shirung shihye hode müneanmuru bahpung chipiripit lim yü. I yübah kiuto chipi keamkhi tüsho chipimurungbo monü takabahkhi chinzhina kheah.

NEHEMIA 2:13 Iomraidhean Croise

2 KIUTHSÜYUKHEAN 26:9

Uzzianü Jirusalem ching aheangsadambo Amühit Ripit ching, Jindükhün Ripit ching, tüsho Akiklo ching thsü, tüsho chipinü ayündo.

NEHEMIA 1:3

Tüsho arünü I ki tha, “Lomi ching rhangdung larü ramtso chingnü alunglorübo thsümütsü ato ching lah tümüde arü hingrü khiungkerünü arü junode lah; Jirusalem chipi she kheakü khiungde keama yaplah, tüsho chipimurungbo she monü takabahdo.”

NEHEMIA 12:31

Inü Juda limberübo chipi ku kheak bekihbahle bo mahne chamjih tüsho Thrünpuh ki makshe jihde amükampü yü. Akhuhbe boto ju tsülimpeang chipi ku kheaknü Müneanmuru Ripit lim dungde yü.

NEHEMIA 2:12

Jirusalem thsungkheaknü arhimopü I mulong ching Thrünpuhnü aqiukhi she ki she mütha. Tüshe thüning dukmuro I asürü tüsho I lung aturü khürü bebah tso. Shiwüh she inü abekhi donki lang isa lung be.

NEHEMIA 2:15

jumonü azhing ching Kidron jindükhün limnü yübah chipi ju chinzhina kheah. Junangde I arükhi ru yande Jindükhün Chipiripit hode kiuto lim alodarü.

NEHEMIA 2:17

Tüshe inü arü ki tha, “ Kheahang isa küdükhüh thsünükhi ching la, tümüde Jirusalem thsümünima lah tüsho chipiripitbo monü taka lah! Arang, isanü Jirusalem chipi thsüloanü, ju hode isa kheak mihmüthsüm mülakhi arün thsüshihanü.”

NEHEMIA 2:3

tüsho alo, “ Kiulongthsüpuh, kutsüpde laang! Isa jipürü kiuyuka bahpung kiuto thsümünima tüsho chipiripitbo monü takabah-a lachoki tümüde I mulong mutukthsüpü?”

JEREMIA 5:10

Anihbe kurungasolu ching wutuang tüsho thsümünimang, tüshe shahde dükheamshih; anihbe khahbo chia bahang, tümüde arübo Atungpuh yo yung.