NEHEMIA 2:10 - AMÜSÜH HÜM CL Bible (BSI)

¹⁰ Tüshe Sanballat Beth-horon kiuto chingnü tüsho Tobia Amonrü, Israelrü thsungkheak rungde arhimorü arüa lah de sobah ane mulong masühde kam.

NEHEMIA 2:10 Iomraidhean Croise

NEHEMIA 13:1

Küyimki Mosa yakzan mihtsürübo ki achangnü akhekhea, Amonrü yungsho Moabrü ju küyimkishe Thrünpuh mihtsürü kheak munungkhuk de thrüta ngü.

NEHEMIA 13:28

Joiada ju Eliashib Achangbe Amükeambuh tsührü ah tüshe api tsührü bolung khülangnü Sanballat tsührü, Beth Horon kiuto ching lakhi yihlu, jumonü inü Joiada ju Jirusalem chingnü yana tsoshih.

NEHEMIA 13:4

Arüngyam kukruk zopung khiungshakbo rhimo zhimbuh, Eliashib amükeambuh, kim ashang Tobia kheak trükrüde alakheah.

NEHEMIA 2:19

Küyimki Sanballat, Tobia tüsho Arabrü Geshem arünü isa akeanangkhi sokhea, arünü isa kheak münejihde tha, “Nüsanü rhimocho ju tümü ah de lümcho le? Nüsa kiulongthsüpuh azhihpü thsücho de?”

NEHEMIA 4:7

Küyimki Sanballat, Tobia, tüsho Amonrü tüsho Ashdodrünü Jirusalem chipi thsüchoh tüsho akhünbitbo lakdokhamchoh de asokheanü arünü khide bukakhiuk.

NEHEMIA 6:1

Chipiripitbo ching khimdopü müthsüyia lalashe isa chipi akhünbit lang she muwode bando de Sanballat, Tobia, Geshem tüsho isa riribonü so.

NEHEMIA 6:16

Küyimki isa riri mühirü lomibonü ha sokhea, arübo tre tüsho achihde lüm tümüde Thrünpuh arung hode rhimo akhik thsüdo de mihbüm abannü mükheah.

ESTER 10:3

Jihudabuh Mordekai ju kiulongthsüpuh Zerzes khinbuh lakheah. Amüyamrü Jihudarü bolung api lang thude la, tümüde apinü amihtsürü tsüpü tüsho tsühsoniuso thsungkheak mungtsü rhimojih.

MUNGSHIKHÜN 112:10

Mihbukmuyuknü ju ngübah tüsho mulong rozhakbah; api hü mütrütbah tüsho niuabahbah; mihbukmuyuknü akünkhi dükheakbah.

MÜCHITMUDU 27:4

Bukmükekhi ju yihkhro tüsho bukakhiukkhi ju düchi, tüshe shepünü mükthsükhi müngüh zhipkhukba?

MÜCHITMUDU 30:22

Azhorü khülang kiulongthsürü kamkhi, makharü khülang nihbuhnü atsühnekhi alala lakhi,

T H S AN GYU T H S AN GR ARÜ 10:7

Inü khora düthsün kheak azhorü ngüdo, tüsho mükheahmudurü a azhorü nangde jingnü tsahchoh.

ISAIA 15:5

I mulongnü Moab thsungkheak tripchoh; anihbe mihtsürü Zoar ching, Eglath-shelishiya ching tsodo. Tümüde Luhith mutuh kheak arü tripde wutuchoh; Horonaim limro ching arünü athsümünimkhi dünkheak zhichoh;

JEREMIA 41:10

Judüki Ishmaelnü Mizpa ching aninga lakhi mihtsürü alala, kiulongthsüpuh tsührübe tüsho aheangrü wühkenobuh Nebuzaradannü Ahikam tsührü Gedalia kilim jihkhi mihtsürü alala rama lubah yü. Nethania tsührü Ishmaelnü arübo rama lu tüsho Amonrü hode ayüpü tsahmusu.

JEREMIA 48:34

Heshbon tüsho Elealenü tripchoh; arü düsheak Jahaz khiungde, Zoar chingnü Horonaim tüsho Eglath-shelishiya khiungde alanchoh. Tümüde Nimrim kebo she zhikabahdo.

JEREMIA 48:5

Tümüde Luhith muduh kheak arübo tripdüsükde wutuchoh; tümüde Horonaim koyu kheak arünü thsünüde azhikhi sodo.

YUNIRÜBO RHIMO 4:2

Anenü mihtsürübo ki Jisu ashe chingnü arhang kamlokhi dünkheak thsangyukhi hode arü mulong kipathsükde kam.

YUNIRÜBO RHIMO 5:24

Küyimki achangbe amükeambuh, arüngyam wühkenobuh, tüsho amükeam putungrübonü harü sokhea, tümü dünjibaki de müyinsah.