NEHEMIA 13:5 - AMÜSÜH HÜM CL Bible (BSI)

⁵ Apinü Tobia ki thüyam khiungshak ato ahorishih, ju hi kingaün tüsho arhümthüneabe shoto kukruk lang azopung, arüngyam ching ahoribe kukrukbo, amükeamrübo thsungkheak jihchungkhibo, tüsho Levirü, arüngyam khün thsürü, tüsho arüngyam aheangrübo kilim jihpü hi, yukhu, tüsho oliv müdangkebo zopung lakheah.

NEHEMIA 13:5 Iomraidhean Croise

2 KIUTHSÜYUKHEAN 31:11

Judüki Hezekianü Atungpuh yam ching zowupung khiungshak thsakhamshihpü arü ki thiyukhüm jih; tüsho arünü jurü thsakham.

2 KIUTHSÜYUKHEAN 34:11

Arünü Juda kiulongthsürübonü athsümünimshihkhi thüyam thsungkheak azünkhi lung, akaplobe sangrhütkhibo, tüsho abinkiubo thuloshihpü sangrhimosorü tüsho athsürübo kilim jih.

NEHEMIA 10:36

Yakzan ching lakhi nangde tsührü athrürü akhuh zübekhi amükeamrü miki arüngyam ching hande yünü Thrünpuh ki müsükhitbah. Moshi nunu tüsho namfimihnu akhuh adrekhi she müsükhitbah.

NEHEMIA 10:37

Kam aban yimlukhi hi chingnü yikhap, yukhu, oliv müdangke, tüsho sangaso aphuaphubo she amükeamrünü müsükhitshihbah. Isa lo chingnü akhiukkhi hi thürü shihcham thremukhungkhi, alala Levirübo athrerü ki hande ayübah.

NEHEMIA 10:38

Küyimki Levirübonü thürü shihcham leangkhibanü Aron tsührü amükeamrübo she arü lung bebah; tüsho Levirübonü thürü shihcham chingnü thürü shihcham zowupung Thrünpuh yam khiungshak achanglim hande yükih azobah.

NEHEMIA 12:44

Judüki arüngyam thsungkheak jihchungkhibo, thürü shihcham, hi akhuh yimlukhi tüsho sangaso akhuh asokhibo zopung thüyam khiungshak aban kheahshihpü, tüsho amükeamrü le Levirü kilim jihpü yakzannü mülükhi nangde kiutobo lu chingnü athremukhungpü mihtsürübo rhimo ching yüzahshih. Judarünü amükeamrü le Levirü kheak asüh,

NEHEMIA 13:7

tüsho I Jirusalem lim arü, tüsho Eliashibnü Tobia ki arüngyam khiungshak ahorishihkhi inü müyinsahde ngü.

EZEKIEL 40:38

Chipiripit mükü ching khimdopü bede akhiungshak khülang, taka kingaünbe müsühpung lakheah.