NEHEMIA 13:2 - AMÜSÜH HÜM CL Bible (BSI)

² Ha amütsan Amonrü le Moabrünü Israelrü Ijip chingnü alungchoki mükipduh, tüshe arünü Balaam kheak buknima Israelrü athrushih, tütüshe Thrünpuhnü athruaji ju müngühmühi kamshih.

NEHEMIA 13:2 Iomraidhean Croise

MUNGSHIKHÜN 109:28

Arünü athruajishang, tüshe nünü müngühjang; küyimki arü asürübanü arü achih ngüshang, tüshe nü yamlarü asühshang.

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

WÜHKHE 23:18

Tüsho Balaamnü müchityu tha: “ Asürang, Balak, tüsho aniang; I ki aniang, Zippor tsührü,

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

YUZÜNGTHALO 23:3

“Amonrü yungsho Moabrü Atungpuh mihtsürü lung mübe; lün thürüpü ching she api tsühsoniuso sheshe Atungpuh mihtsürü lung mübe,

YUZÜNGTHALO 23:4

tümütüsho nüsa Ijip chingnü akhiukchoki yikhap tüsho ke shuhbah limro ching nüsa mushoru, tüsho arünü nüsa azhihde Mesopotamia ching lakhi Pethor chingnü Beor tsührü Balaam muloa nüsa athrushih.

YUZÜNGTHALO 23:5

Judüalalashe Atungpuh nüsa Thrünpuhnü Balaam ki mani, tüshe Atungpuh nüsa Thrünpuhnü athruaji ju nüsa thsungkheaknü müngühmühi kamshih, tümütüsho Atungpuh nüsa Thrünpuhnü nüsa muzholah.

2 PETER 2:15

Arünü alungki limro bahyukbah amülim rhimokhi chingnü alü thsükhi muzhobuh Beor tsührü Balaam limro yando,