NEHEMIA 13:17 - AMÜSÜH HÜM CL Bible (BSI)

¹⁷ Inü Jihudarü limberübo ki müdande tha, “Tümü thsükhi nüsanü Amunimung mükhemükimde amünean rhimocho le?

NEHEMIA 13:17 Iomraidhean Croise

NEHEMIA 13:11

Jumonü arüngyam bahkhitkhi thsungkheak inü atorübo müdan tüsho Levirü le khün thsürü belodarü rhimoshih.

NEHEMIA 13:16

Tair chingnü khürü Jirusalem ching arü alakheah, tüsho arünü thüngüh tüsho kukruk mungjithürü Amunimung handarü mihtsürübo ki yin.

NEHEMIA 13:25

Inü athruajide mihtsürübonü küyimkishe khiungkeberü ki müyihlushihpü Thrünpuh mung chingnü thiyuchihchim lushih.

NEHEMIA 5:7

Tsüde lümakheahbah inü limberü tüsho atorübo thürühde tha, “Nüsanü nüsa keoniorü sholü tsühchoh!” Jumonü arü azhihde inü boto jimukhung.

MÜCHITMUDU 28:4

Shepünü yakzan bahyukchonü mihbukmuyuk shijihchoh, tüshe shepünü yakzan zochonü arü azhihchoh.

ISAIA 1:10

Atungpuh yu aniang, nüsa Sodom yakzanshuhrübo! Isa Thrünpuhnü thsangyukhi aniang, nüsa Gomorra mihtsürübo!

JEREMIA 13:18

Kiulongthsüpuh tüsho kiulongthsüberü ki thaang, “Abobe binkiu luang, tümüde nü ku kheaknü akheahakhamkhi kuthran ayokhido.”

JEREMIA 5:5

I atorü kilim yübah tüsho arü ki asukanü; tsükjide arünü Atungpuh limro, arü Thrünpuh yakzan mükheahlah.” Tüshe arü rukhühnü sangkaplak yihshakdo, arü rhükkhi rukshakdo.

EZEKIEL 20:13

Tütüshe Israel mihtsürünü sunglo ching I azhih. Mihtsürünü mihyuanibah rhangdung lapü lalashe, arünü I yakzan thsükhibo müyan tüshe I yakzanbo bahyuk tüsho arünü shahde I amunibo müneanjih. Jumonü inü arü kheak I bukakhiuk dungkihbah tüsho sunglo ching arü dükheakshihbah de inü tha.

LEVI 19:17

Nünü nü mulong chingnü keoniorü müthraneanbeah, tüsho nü yamhingrü tsükjide thürühang, jude yungsho api neak nünü ahanbah.

MIKA 3:1

Tüsho inü tha: Aniang, nüsa Jakob akuthsürübo tüsho Israel yamkhün yakzanshuhrübo! Nüsanü thiyuro mümükheahbea de?–

MIKA 3:9

Ha aniang, nüsa Jakob yamkhün limberübo tüsho Israel yamkhün yakzanshuhrübo, sherünü thiyuro thraneancho tüsho alim alala bephülapcho,