NEHEMIA 13:15 - AMÜSÜH HÜM CL Bible (BSI)

¹⁵ Judüki Juda ching mihtsürübo Amuni kurungaso chingnü ake nitkhitde inü ngü. Püpürübo hi, yukhu, kurungaso, khubaso tüsho püpü kukruk hah thsüa donkibo hanshihbah Jirusalem lim yüde ngü; Amuni tümü she düyin de arü ki inü müzündoabah.

NEHEMIA 13:15 Iomraidhean Croise

2 KIUTHSÜYUKHEAN 24:19

Tütüshe apinü arü Atungpuh kilim belode arüpü arü bolung wukihrübo yüshih; arünü arü azhihde thiyumütsan jih, tüshe arünü mani.

NEHEMIA 10:31

Mürangkhüh khiungkerünü hi yungsho tümükhüh handarü Amuni yungsho püpü amüsüh nimung isa ki yinsho muthulo. Kam athünepü ching isanü thulu müthsü, shozüng alala mulude abahbah.

NEHEMIA 10:32

Kam aban mihbüm kheaknü shotoyinchi düpüt 5 arüngyam thsüpü arung jihbah.

NEHEMIA 13:16

Tair chingnü khürü Jirusalem ching arü alakheah, tüsho arünü thüngüh tüsho kukruk mungjithürü Amunimung handarü mihtsürübo ki yin.

NEHEMIA 13:21

Inü arü ki müzünde tha, “Tümü thsükhi nüsanü azhing ching chipi ki bincho? Hade thsülosho nüsa kheak inü khah chungbah.” Jushunü lang arünü Amuni marü.

NEHEMIA 9:29

Nü yuzüng anishihpü nünü arü ki müzünde tha, tüshe arünü ha anibah rhangdung lapü thsüthsü she arünü kükheangde nü yakzan mani, tüshe nü yakzan azhihde neak yihbeak. Mulong müküpde tüsho nihnihde, arünü mihyuanipü reanglo.

JOB HU H T ANYU 39:12

Nü hi ju rhimopung ching hande arübah de kinla de?

MUNGSHIKHÜN 50:7

Aniang, O I mihtsürü, tüsho inü asukanü, O Israel, inü nü azhihde thiyumütsan jihanü. I Thrünpuh, nü Thrünpuh ah.

ABEKHIT 31:12

Atungpuhnü Mosa ki tha,

ABEKHIT 31:16

Israel mihtsürünü ha nimung ju tangzüng amütsan khülang thsüde azobeah.

ABEKHIT 34:21

“Nüsanü nimung thuruk rhimobah, tüshe thüne nipü sühakhimbah; thulu mülappü tüsho yimlu kim ching nüsanü sühakhimbah.

ABEKHIT 35:2

Nimung thuruk rhimo rhimobah, tüshe thüne nipü ju nüsa amüsüh nimung, Atungpuh kilim sühakhim Amuni labah. Shepünü ha nimung rhimo rhimobanü asheshihbah.

MÜCHITMUDU 28:4

Shepünü yakzan bahyukchonü mihbukmuyuk shijihchoh, tüshe shepünü yakzan zochonü arü azhihchoh.

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

JEREMIA 17:24

Tüshe Atungpuhnü thachoh, nüsanü I ki anisho, tüsho amunimung ha kiuto chipiripit hode hah tümü hande mazahsho, tüshe amunimung müsühde zosho tüsho rhimo müthsüsho,

JEREMIA 17:27

Tüshe nüsanü amunimung müsühde azopü tüsho amunimung Jirusalem chipiripitbo ching hah mühanyukpü I ki manisho, ha chipiripitbo ching inü mo takkihbah; hanü Jirusalem dangpung aniuabahbah tüsho shenü müzünmütkhuk.

JEREMIA 42:19

Atungpuhnü nüsa ki thado, O aningkhi Juda, Ijip lim düyü. Inü khihni nüsa ki thakhi tsüde lümrhangang,

EZEKIEL 20:13

Tütüshe Israel mihtsürünü sunglo ching I azhih. Mihtsürünü mihyuanibah rhangdung lapü lalashe, arünü I yakzan thsükhibo müyan tüshe I yakzanbo bahyuk tüsho arünü shahde I amunibo müneanjih. Jumonü inü arü kheak I bukakhiuk dungkihbah tüsho sunglo ching arü dükheakshihbah de inü tha.

AMOS 8:5

ha tha, “ Küyimki khinu aso hobaki, junangde isanü hi yinbah; tüsho amuni hobaki, junangde isanü yukyinpü thsungkheak wheat hi jihbah? junangde isanü alü kheangbah, amülim adünara ahoribah, tüsho thülothiyirü ki akeara ching rük thsübah,

MIKA 6:3

“ O I mihtsürü, inü nüsa ki tümü rhimoa la? Tümü ching inü nüsa khishih-a la? I ki aloang!

YUNIRÜBO RHIMO 2:40

Tüsho apinü püpü yubo thiyumütsan thsüde tüsho mulong tuthsukde arü ki tha, “Ha mihbukmuyuk lün chingnü nüsabo khümkhitang.”

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

GALATIA 5:3

Shepünü tsütabahchonü apinü yakzan alala anipü kamchoh de mihtsürübo aban ki inü thiyumütsan thsülochoh.

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

YUZÜNGTHALO 8:19

Tüsho ha ruk labah, Küdüküdüshe nüsanü A TUN GPU H nüsa Thrünpuh mihabahde püpürü thrünpuhbo yansho, tüsho arü tankihde kingaünsho, nüsa tsükjide adükheakbah de inü nüsa azhihde ha nimung thiyumütsan jihchoh.

1 TESALONIKA 4:6

junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.