NEHEMIA 13:13 - AMÜSÜH HÜM CL Bible (BSI)

¹³ Zowupung khiungshak ching kheahshihpü ju inü mihtsürü harü mokhit: Shelemia amükeambuh, Zadok athrütbuh; tüsho Levirü Pedaia. Mattania tsührü Zakkur tsührü Hanan arü rungshihpü mokhit. Rukhüh rhimorü ki thiyuronü tsühyungpü chamachihbah de harü kheak inü mulonglam; tüsho keoniorü ki rhimo chamachihpü ju arü rhimo lakheah.

NEHEMIA 13:13 Iomraidhean Croise

2 KIULONG THSÜRÜ 12:15

Kheaküshe arünü rhimorü kilim jihshihpü mihtsürü khah ching jihkhi kilimnü khemütsankhi yihnüpü müla, tümütüsho arünü thiyuronü rhimo.

2 KIULONG THSÜRÜ 12:16

Amülim kingaünkhi sho tüsho neak kingaünkhi sho chingnü Atungpuh yam ching lude marüde alakheah; ju amükeamrübo yo.

2 KIULONG THSÜRÜ 22:7

Tüshe arü khah ching jihkhi sho chingnü mütsanmüküh mükheang, tümüde arünü thiyuronü rhimochoh.”

NEHEMIA 10:12

Zakkur, Sherebia, Shebania,

NEHEMIA 10:38

Küyimki Levirübonü thürü shihcham leangkhibanü Aron tsührü amükeamrübo she arü lung bebah; tüsho Levirübonü thürü shihcham chingnü thürü shihcham zowupung Thrünpuh yam khiungshak achanglim hande yükih azobah.

NEHEMIA 11:22

Levirü rhuakheahrü Jirusalem ching labuh ju Hashabia tsührü Bani tsührü Uzzi. Api jipürü Mattania tüsho Mika, tüsho api mukhungmüdan khün ching mulong jihrü Asaph guk chingnü ah.

NEHEMIA 12:35

tüsho amükeamrü tsührü khungpi shuhbah atsahrübo: Jonathan tsührü Zekaria, Shemaia tsührü, Mattania tsührü, Mikaia tsührü, Zakkur tsührü, Asaph tsührü;

NEHEMIA 12:44

Judüki arüngyam thsungkheak jihchungkhibo, thürü shihcham, hi akhuh yimlukhi tüsho sangaso akhuh asokhibo zopung thüyam khiungshak aban kheahshihpü, tüsho amükeamrü le Levirü kilim jihpü yakzannü mülükhi nangde kiutobo lu chingnü athremukhungpü mihtsürübo rhimo ching yüzahshih. Judarünü amükeamrü le Levirü kheak asüh,

NEHEMIA 3:30

Shelemia tsührü Hanania tüsho Zalaph tsührü athurukbuh Hanunnü mahnepü thsüde ju khin thsü. Berekia tsührü Meshullamnü ju khin, ayam müngüh thsü.

NEHEMIA 7:2

I mihtsürü 2: I khiung Hanani tüsho Hanania, chipi kurungkheak aberü athülünkhi mihtsürü tüsho mührü kheak kihode Thrünpuh wüntrebuh ane Jirusalem kiuto kurungkheak yakzan shuhshihpü mokhit.

NEHEMIA 8:4

Ezra a ju kim ching thsungkheak thsükhi sang sadam kheak zhip. Mihtsürü harü tsülimpeang zhip: Mattithia, Shema, Anaia, Uria, Hilkia, tüsho Maaseia, tüsho huzulim zhiprü: Pedaia, Mishael, Malkhija, Hashum, Hashbaddana, Zekaria, tüsho Meshullam.

LUKNÜ ATHRÜTKHI THIYUSHEAK-ATSÜ HUHTANYU 12:42

Tüsho Atungpuhnü tha, “Dale tüsho aputungrünü ayamkhün kurungkheak yakzanshuhrü thsüshihbah arü kilim kim dükdü ching tsühyungpü shihcham jihshihpü athülünkhi tüsho lümlung lakhi khinkihthsürü ju shepü a?

YUNIRÜBO RHIMO 4:35

tüsho amüsüh-thsangyurübo kilim jih; tüsho sho ju mihbüm aban nihbuh yihnüpü ayannü chama jih.

YUNIRÜBO RHIMO 6:1

Judüki nimungbo ching akinrübo hihde kamchoki, Greek-yu-tharü Jihudarü le Jihudarü mihkhung dükeak rukachih lakheah, tümütüsho arü khimoberübo nimung aban chamzüchamdo ching bahyukde alakheah.

YUNIRÜBO RHIMO 6:3

Jumonü keoniorübo, nüsa bolung mung atsü larü, Amüsüh Me tüsho lümlungnü mide alarü isanü ha rhimo ching zojihpü thsüde nüsa bolungnü mihtsürü thüne mokhitang;

1 KORINT 4:2

Kheaküshe atoathüprübo ju thiyuro lapü yihnüpü lah.

1 TIMOTHI 1:12

Ha thsungkheak I kilim sühmüh jihbuh isa Atungpuh Jisu Khrista kilim inü makshe jihchoh, tümütüsho ha tankihpü ching I yüzahshihde apinü I thiyuro lakhi khejih.

1 TIMOTHI 3:10

Tüsho arübo ju akhuhde rükakheahshang; jushu arü areak mükihkhi mütsanshu tankihrü thsüshang.