NEHEMIA 12:27 - AMÜSÜH HÜM CL Bible (BSI)

²⁷ Jirusalem chipi müsüchoki, Levirü alala nihbuh lapung chingnü jiyuk, tüsho arünü larüp, bingshang tüsho bingkhungbo shuhbah makshe jihkhi khünbo thsü.

NEHEMIA 12:27 Iomraidhean Croise

2 SAMUEL 6:12

Kiulongthsüpuh David ki tha, “Thrünpuh sangdan dünkheaknü Atungpuhnü Obed-edom tüsho api lakhi alala müngühjihdo.” Jumonü Davidnü yübah Thrünpuh sangdan ju Obed-edom yam chingnü lubah David kiuto lim asühachihde arü;

1 KIULONG THSÜRÜ 8:63

Solomonnü moshipung 22,000 tüsho namfimihnu 120,000 Atungpuh kilim laksah-a mungtsü kingaün jih. Jumonü kiulongthsüpuh tüsho Israel mihtsürü alalanü Atungpuh yam müsükhit.

1 KIUTHSÜYUKHEAN 13:8

David tüsho Israel alalanü arü sühmüh alalanü, khündung khünyubo, bingshangbo, züpzüppü, larüpbo tüsho hulipungpungbo khungde Thrünpuh miki tsün.

1 KIUTHSÜYUKHEAN 15:12

Apinü arü ki tha, “Nüsa Levirü yamkhünbo ching akubo ah; nüsa le nüsa buhtsührübo tsangkhitang, junangde nüsanü Israel Thrünpuh, Atungpuh sangdan lubah inü athsakhamkhi ching atubah.

1 KIUTHSÜYUKHEAN 15:16

Kheaküshe Davidnü Levirü aberübo ki bingshang, bingkhung tüsho larüpbo bede asühkhi düsheak achangnü khün thsüshihpü arü buhtsührü mokhitpü thiyukhüm jih.

1 KIUTHSÜYUKHEAN 15:28

jumonü Israel alalanü Atungpuh tangzüng sangdan ju zhide, shihjuh, hulipungpungbo, larüpbo, tüsho bingshangbo le bingkhungbo khungde shuhbah atu.

1 KIUTHSÜYUKHEAN 15:4

Judüki Davidnü Aron tüsho Levi tsühsoniusobo bemukhung:

1 KIUTHSÜYUKHEAN 16:42

Heman tüsho Jeduthun lung khün düsheak thsungkheaknü hulipungpungbo tüsho larüpbo, tüsho amüsüh khün thsungkheaknü kingzükingdobebo lakheah. Jeduthun tsührübo ripit ching binpü mokhit.

1 KIUTHSÜYUKHEAN 16:5

Akubuh ju Asaph, api khinbuh Zekaria, Jeiel, Shemiramoth, Jehiel, Mattithia, Eliab, Benaia, Obed-edom, tüsho Jeiel arünü bingshang tüsho bingkhungbo khung; Asaphnü larüpbo king;

1 KIUTHSÜYUKHEAN 23:5

4000 ripit neakrü tüsho 4000nü inü mungshipü thsükhi khün-khungbe bede Atungpuh kilim mungshi jihbah.”

1 KIUTHSÜYUKHEAN 26:31

Hebronrü lung, Jerija Hebronrü yo limbebuh lakheah. (David kiulongthsükhi kam yirüpü ching tsühsoniuso guk yande yimakheah, tüsho arü bolung tode athsükhuk mihtsürübo Gilead ching lakhi Jazer ching yimkhit.)

2 KIUTHSÜYUKHEAN 29:25

Apinü Levirübo larüpbo, bingshangbo, bingkhungbo shuhbah, David tüsho kiulongthsüpuh yo angürü Gad tüsho wukihbuh Nathan yukhüm yande Atungpuh yam ching bemukhung, tümüde thiyukhüm ju api wukihrübo hode Atungpuh kilimnü alakheah.

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

2 KIUTHSÜYUKHEAN 7:6

Amükeamrübonü nihbuh dangpung kheak zhip. Levirübonü she Atungpuh mungshi jihpü kiulongthsüpuh Davidnü athsükhi khün-khungbe shuhbah tha, “Tümüde apinü muzhokhi lünnü lah.” Arü mikhuh ching amükeamrübonü hulipungpungbo khung; tüsho Israel alala zhip.

EZRA 6:16

Tüsho Israel mihtsürü– amükeamrü, Levirü tüsho püpürü ramtso chingnü alungrü alalanü asühde arüngyam müsükhitde mung.

NEHEMIA 11:20

Aningkhi Israelrü, amükeamrü tüsho Levirü Juda kiutobo ching nihbuh lopung ching la.

NEHEMIA 12:43

Ju nimung kingaün ahihkhüh jihde, tüsho mihtsürübo asühkhinü mi tümüde Thrünpuhnü arübo khide asühpü jih. Aliberü tüsho azürübo müsükhitkhi münchi ching be, tüsho arü alalanü alankhi ju limshu chingnü she so.

NEHEMIA 8:17

Ramtso chingnü alunglorü alalanü yünshim thsübah ju ching la; tümüde Nun tsührü Jihusua kim chingnü rhimode arüchoki Israelrünü ha ruk nioa mükheah. Tüsho arü asühachihkhi ju ato lakheah.

MUNGSHIKHÜN 149:3

Arünü tsünde api mung shishang; arünü züpzüppü tüsho bingshang bede api mungshikhi khünbo thsüshang.

MUNGSHIKHÜN 30:1

O Atungpuh , inü nü shijihbah, tümüde nünü I shuhkih, tüsho I riribo I kurungkheak masühachihshih.

YUZÜNGTHALO 16:11

Nü tüsho nü tsührü le tsührübe, nü yamlabuhrü le yamlaberü, nüsa chipimurung khüp lakhi Levirü, hanrü tüsho mürerü tüsho nüsa lung lakhi khimoberü alalanü Atungpuh nüsa Thrünpuhnü api mung zopü mokhitkhi dangpung chingnü Atungpuh Thrünpuh miki asühachihang.

YUZÜNGTHALO 20:5

“Judüki atorübonü mihtsürübo ki thabah: Mihtsürü khürünü nihbuh yam aso thsübah mümüsühkhityide la shi? Api thüyam lim alode yüshang, jude yungsho api keochih ching shebah tüsho mihtsürü püpürünü ju müsükhitbah.

FILIPI 4:4

Atungpuh lung kamruhroro asühang; inü thalochoh, asühang.

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;