NEHEMIA 12:1 - AMÜSÜH HÜM CL Bible (BSI)

¹ Amükeamrü tüsho Levirü Shealtiel tsührü Zerubbabel tüsho Jeshua ane yande alung. Amükeamrü: Seraia, Jeremia, Ezra,

NEHEMIA 12:1 Iomraidhean Croise

EZRA 3:2

Jushu Jozadak tsührü Jeshua buhtsührü amükeamrübo, tüsho Shealtiel tsührü Zerubbabel, api keoniorübo de nungbah Thrünpuh mihtsürü Mosa yakzan hüm ching thrüta lakhi yande Israel Thrünpuh kilim taka kingaünpü arüngyam thsülo.

EZRA 3:8

Arü Thrünpuh yam lapung Jirusalem ching alungbah kam mahne kheak khinu mahnepü ching, Shealtiel tsührü Zerubbabel, Jozadak tsührü Jeshua tüsho aningkhi arü buhtsührü amükeamrübo, Levirübo tüsho ramtso chingnü Jirusalem lim alungrü alalanü rhimopü tankih tüsho Levirü kam muku kumung azorübo Atungpuh yam thsükhi kheahshihpü mokhit.

EZRA 4:2

arünü Zerubbabel tüsho gukbo ching akubo shorubah tha, “Arüngyam thsülopü thsungkheaknü isa she nüsa lung rukhüh thsanü, nüsanü kingaünkhi Thrünpuh ju lang isanü she kingaünchoh, tüsho Asiria kiulongthsüpuh Esarhaddon nü isa ha ching bedarükhi kim chingnü kingaünchoh.”

EZRA 5:2

Jumonü Shealtiel tsührü Zerubbabel tüsho Jehozadak tsührü Jeshua anenü tsahmusude yübah, Jirusalem ching arüngyam thsülopü tankih, tüsho wukihrü mahne junü arü rung.

EZRA 7:7

Artazerzes kiulongthsü athünepü kam, Ezra Babilon chingnü, Israel boto, amükeamrü, Levirü, khün thsürü, ripit aheangrü, tüsho arüngyam tankihrü lung Jirusalem lim atu.

NEHEMIA 11:36

Juda ching lakhi Levirü khürü Benjaminrü lung la.

NEHEMIA 12:10

Jeshua ju Joiakim abuh; Joiakim ju Eliashib abuh; Eliashib ju Joiada abuh;

NEHEMIA 12:2

Amaria, Malluk, Hattush,

NEHEMIA 7:7

Arü bebah alungrü ju Zerubbabel, Jihusua, Nehemia, Azaria, Raamia, Nahamani, Mordekai, Bilshan, Mispereth, Begvai, Nehum tüsho Baana. Israel trük ramtso chingnü alunglorübo mung khin:

HAGGAI 1:1

Darius kiulongthsü mahnepü kam khinu thuruk, atan ni wukihbuh Haggai hode Shealtiel tsührü, Juda kovünor Zerubbabel, tüsho Jehozadak tsührü, achangbe amükeambuh Jihusua kilim Atungpuh yu arü:

HAGGAI 1:12

Judüki Shealtiel tsührü Zerubbabel, tüsho Jehozadak tsührü achangbe amükeambuh Jihusua, ju lung aningkhi mihtsürü alalanü Atungpuh arü Thrünpuh düsheak, tüsho Atungpuh arü Thrünpuhnü api thiyikhi nangde wukihbuh Haggai yubo ani; tüsho mihtsürübonü Atungpuh tre.

HAGGAI 1:14

Tüsho Atungpuhnü Shealtiel tsührü, Juda kovünor Zerubbabel me, tüsho Jehozadak tsührü, achangbe amükeambuh Jihusua me, tüsho aningkhi mihtsürü alala me thurumusu; arünü arü tüsho arü Thrünpuh Wuto Atungpuh yam rhimomusu,

HAGGAI 2:2

Kheakü Shealtiel tsührü, Juda kovünor Zerubbabel, tüsho Jehozadak tsührü, achangbe amükeambuh Jihusua tüsho aningkhi mihtsürü alala ki thaang,

ZEKARIA 6:11

Shotoyinchi tüsho suna luang tüsho kuthran thsüang, tüsho Jehozadak tsührü Achangbe Amükeambuh Jihusua ku kheak yihkihjang;