NEHEMIA 10:37 - AMÜSÜH HÜM CL Bible (BSI)

³⁷ Kam aban yimlukhi hi chingnü yikhap, yukhu, oliv müdangke, tüsho sangaso aphuaphubo she amükeamrünü müsükhitshihbah. Isa lo chingnü akhiukkhi hi thürü shihcham thremukhungkhi, alala Levirübo athrerü ki hande ayübah.

NEHEMIA 10:37 Iomraidhean Croise

2 KIUTHSÜYUKHEAN 31:6

Juda kiuto ching larü Israel tüsho Juda mihtsürübonü moshi tüsho namfimihnu thürü shihcham lude yüzah, tüsho amüsühkhitkhi kukruk yo thürü shihcham ju Atungpuh arü Thrünpuh kilim müsühkhit, tüsho jurübo mujungde zo.

NEHEMIA 13:10

Kheaküshe inü angükhi ju mihtsürübonü shihcham dükde müjihkhi hode Levirü tüsho khün thsürü Jirusalem bahbah nihbuh lubo ching müzüt.

NEHEMIA 13:12

Jushu Israelrü athrünkhinü hi, thürü shihcham, yukhu, tüsho oliv müdangke handarü zowupung khiungshak ching zopü tankih.

NEHEMIA 13:5

Apinü Tobia ki thüyam khiungshak ato ahorishih, ju hi kingaün tüsho arhümthüneabe shoto kukruk lang azopung, arüngyam ching ahoribe kukrukbo, amükeamrübo thsungkheak jihchungkhibo, tüsho Levirü, arüngyam khün thsürü, tüsho arüngyam aheangrübo kilim jihpü hi, yukhu, tüsho oliv müdangkebo zopung lakheah.

NEHEMIA 13:9

Thüyam khiungshak tsüde müsühkhitang de inü thiyukhüm jih tüsho arüngyam phühlung, hi kingaün, tüsho rhümthüneabe kukrukbo hanlodarü zo.

ABEKHIT 13:12

akhuhde anukhi pung Atungpuh kilim jihang. Nüsa shiwüh akhuh anukhi pung Atungpuh yo ah.

ABEKHIT 13:2

“Israelrü lung akhuhde azübekhi athrürü tüsho akhuhde anukhi shiwüh I kilim müsühkhitang; ju I yo ah.”

LEVI 23:17

Nüsanü nüsa lapung chingnü ayikangkang khahngak 2nü anungkhi yikhap mahne müleamde ajihpü lubah arang; jurübo ju atsüdak ayikangkang, phaüm yukbah anungkhi, Atungpuh kilim akhuhbe sangaso thsübah.

MALAKI 3:10

Thürü shihcham alala zowupung ching hande arang, junangde I yam ching tsühyungbe labah, tüsho hanü I rükakiang, Wuto Atungpuhnü thachoh; inü nüsa thsungkheak thüning ripitbo khimshuhbah müngühmühi mikhiukde bukkhishihnahnü kheahang.

MALAKI 3:8

Khürünü Thrünpuh rükakiba de? Tütüshe nüsanü I rükakichoh! Tüshe nüsanü thachoh, “ Künangde isanü nü rükakicho?” Nüsa thürü shihcham tüsho kingaün jihkhibo ching!

WÜHKHE 18:15

Mihtsürü thsüthsü shiwüh thsüthsü akhuhde angükhi küpü arünü Atungpuh kilim handarübanü ju nüsa yo thsübah; tüshe akhuh zübekhi mihtsürü nüsanü rhokhitbah tüsho akhuh anukhi mümüsühkhi shiwühbo she nüsanü rhokhitbah.

WÜHKHE 18:18

Akhüh tüsho tsülim pho müleamde kingaünkhi küpü nü yoanü junangde ashihtsübo nü yo thsübah.

WÜHKHE 18:21

Kheahang, Levirünü arüngkhimyam ching rhimokhi dün Israel ching hanmukhungkhi thürü shihcham arü kilim yamrüplurüp nangde jihdo.

ROMRÜ KILIM PAULNÜ ATHRÜTKHI KIHÜM HUHTANYU 11:16

Akhuhbe yikhap khülang Thrünpuh kilim jihsho, anungkhi abümnü api yo ah; tüsho sangdung yingbo Thrünpuh kilim jihsho, akhahbo she api yo ah.

YUZÜNGTHALO 14:22

“Kam abande thulu chingnü akhiukkhi hi thürü shihcham nünü dükde jihang.

YUZÜNGTHALO 18:4

Nüsanü hi akhuh asokhi yukhu aso, oliv müdangke tüsho namfimihnu nam akhuh rukkhi api kilim jihang.

YUZÜNGTHALO 26:2

nünü alo chingnü akhuh akhiukkhi luang, ju Atungpuh nüsa Thrünpuhnü nüsa kilim jihkhi lo chingnü hande arang, tüsho ju muluk ching yukbahle Atungpuh nüsa Thrünpuhnü api mung zopü mokhitkhi dangpung ching nahde yüang.