NEHEMIA 10:29 - AMÜSÜH HÜM CL Bible (BSI)

²⁹ keoniorü tüsho anikhitrü lung nungde muthrumünean thsüde thiyuchihchim, junangde api yamlarü Mosa hode Thrünpuhnü ajihkhi Thrünpuh yakzan yande alabah, isanü Atungpuh , isa Thrünpuh yakzan anibah; tüsho isanü api yakzannü alunekhi yande arhimobah.

NEHEMIA 10:29 Iomraidhean Croise

2 KIULONG THSÜRÜ 10:31

Tüshe Jehunü Atungpuh Israel Thrünpuh yakzan amulong alalanü kümkangde müyan; apinü Jeroboam neakbo chingnü murholode, apinü Israel neak yihbeakshih.

2 KIULONG THSÜRÜ 23:3

Kiulongthsüpuhnü dungjing ki zhip tüsho api yukhümbo, yakzanbo, thiyuzüngbo ha hüm ching thrüta lakhi tangzüngkhi yubo rhimode Atungpuh yanpü api miki tangzüng khülang thsü. Mihtsürü alalanü tangzüngkhi ching arihde yan.

1 KIUTHSÜYUKHEAN 9:2

Kheakü arü yamalo, kiutobo ching akhuhde alalorü ju Israelrü, amükeamrübo, Levirü, tüsho arüngyam tankihrübo lakheah.

2 KIUTHSÜYUKHEAN 34:31

Kiulongthsüpuhnü anihbuh dangpung ching zhip tüsho Atungpuh yanpü, api yukhümbo, yakzanbo, yakzan thsükhibo api mulong athrünkhinü, api me athrünkhinü ayanpü ha hüm ching thrütkhi tangzüng yubo rhimopü Atungpuh miki tangzüng khülang thsü.

2 KIUTHSÜYUKHEAN 6:16

Jumonü, O Atungpuh , Israel Thrünpuh, nü yamlarü I buh David ki alokhikhi zoang, küpü nünü api ki alokhide tha, ‘Nü tsührübonü lang nünü I miki tsahkhi ruk I yakzan ching tsahde arünü kümkangde anisho I miki Israel kiulongthsü-binkiu kheak binpü nü müthri küyimkishe mülade müthsü.’

NEHEMIA 13:25

Inü athruajide mihtsürübonü küyimkishe khiungkeberü ki müyihlushihpü Thrünpuh mung chingnü thiyuchihchim lushih.

NEHEMIA 7:46

Arüngyam ching tankihrü trükkhitrü jipürübo: Ziha, Hasupha, Tabbaoth,

NEHEMIA 8:2

Jumonü Ezranü khinu thüne atan nipü amukhungrü miki hande arü– athrürübo, aliberübo, tüsho azürü alalanü tsüde anikhit.

NEHEMIA 8:3

Wungdo limro chipiripit ki apinü arü ki yakzan ju yapsunü animuro khiungde khe, tüsho arü alalanü keamramde ani.

NEHEMIA 9:2

Tüsho arünü khiungkerü kheaknü chamkhi, tüsho zhipbahle arü neak le jipürü neak alokhi.

NEHEMIA 9:38

Harübo dünjikhi hode, isa Israelrünü düküngde tangzüng, tüsho thrüt tüsho limberübo, Levirübo tüsho amükeamrübonü arü mütsan yümkih.

MUNGSHIKHÜN 105:45

junangde arünü api yakzan thsükhibo tüsho api yakzan anipü lakheah. Atungpuh shiang!

MUNGSHIKHÜN 119:106

Inü nü thiyuro-lungki mahkhapbo zopü thiyuchihchimdo tüsho adüngakhi thsüdo.

MUNGSHIKHÜN 8:1

O Atungpuh , isa Tungpuh, alomi alala ching küdükhüh nü mung thudakkhi la! Yinmibo kumung nünü nü müretah zo!

MUNGSHIKHÜN 8:9

O Atungpuh , isa Tungpuh, alomi alala ching küdükhüh nü mung thudakkhi la!

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

JEREMIA 26:4

Nünü arü ki thabah: Atungpuhnü ha thachoh: Inü nüsa miki zojihkhi yakzan ching tsahpü nüsanü I ki manisho,

JEREMIA 34:15

Nüsabo khihnishido mulong müthrilo tüsho khülangnü khülang ki zuzu zhiyukde I miki alungki rhimodo, tüsho I mung tamde ajikhi yam ching nüsanü I miki tangzüng khülang thsü;

EZEKIEL 36:27

Inü I me nü kheak yukjihbah, tüsho I yakzan thsükhibo ching tsahbah tüsho I yuzüngbo rhimopü kümkangshihbah.

LEVI 20:26

Tüsho nüsa I kilim amüsüh, tümüde I Atungpuh amüsüh, tüsho nüsa I yo kamshihpü thsüde inü nüsa püpürü trükshih bolungnü bemuwuh.

MALAKI 4:4

I yamlarü Mosanü thsangyukhi, inü Israel alala thsungkheak Horeb ching thiyukhüm jihkhi yakzanbo tüsho yuzüngbo lümkhitang.

WÜHKHE 5:21

amükeambuhnü alibe muthrumüneankhi thiyuchihchim jihde athabah, “Atungpuhnü nü pho dütsüpshihchoki tüsho nü buk bümshihchoki, Atungpuhnü nü muthrumüneanshang tüsho nü mihtsürü bolung thiyuchihchim khülang thsüshang;

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

JOHAN 15:14

Inü nüsa ki thiyukhüm jihkhibo nüsanü rhimosho nüsa ju I müyamrübo ah.

JOHAN 7:19

Mosanü nüsa kilim yakzan jihbah nüsanü yakzan muzokhi yung de? Tümüde nüsanü I laksahpü yimcho?”

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 17:34

Mihtsürü khürünü api lung arih tüsho kin, arü bolung ju kiuthsü-binkiu kheyuk ching berü Dionysia la; kheaküshe aliberü amung Damari, tüsho arü lung püpürübo lakheah.

YUNIRÜBO RHIMO 23:21

Tüshe arü ki dani; tümüde arü mihtsürü 40 akumung api mülaksahyikia mütsühyungpü thiyuchihchimbah jika binlah; tüsho kheakü nü kilim alokhikhi yu arünü aleanglah.”

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

YUZÜNGTHALO 33:4

Mosanü isa kilim jihkhi yakzan Jakob boto yamalo lah.

YUZÜNGTHALO 5:1

Tüsho Mosanü Israelrü alala jibah arü ki tha, “O Israel, yakzanbo tüsho thiyuzüngbo inü nüsa ki khihni thakhi aniang, junangde nüsanü jurü yande arhimopü kümkangang.

YUZÜNGTHALO 5:32

“Jumonü Atungpuh nüsa Thrünpuhnü nüsa ki thiyukhüm jihkhi nangde kümkangde rhimoang; nüsanü tsülim khah yungsho huzulim danguh.