NEHEMIA 1:6 - AMÜSÜH HÜM CL Bible (BSI)

⁶ Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

NEHEMIA 1:6 Iomraidhean Croise

1 KIULONG THSÜRÜ 8:30

Nü yamlarü tüsho nü mihtsürü Israelnü ha yam lim zhoshede tamkhüntamnüchoki sojang; O nü lapung yinmi chingnü sojang; sojang tüsho neak bahjang.

1 KIULONG THSÜRÜ 8:47

judüalalashe arü ramde ayükhi lomi ching arünü lümrhangde kamsho, tüsho mulong müthribah arü ramrü lomi ching nü ki zhoshede thasho, ‘Isanü neak yihbeakdo, tüsho amülim rhimodo; isanü mihbukmuyuk rhimodo’;

2 KIUTHSÜYUKHEAN 28:10

Kheakü nüsanü Juda mihtsürü tüsho Jirusalem athrürü tüsho aliberü nüsa yo azhorü nangde ajunopü lümlah. Tüshe Atungpuh nüsa Thrünpuh kheak azhihde neak yihbeakkhi hode nüsa tümü la?

2 KIUTHSÜYUKHEAN 29:6

Tümüde isa jipürübonü thiyuro mülade arüdo tüsho Atungpuh isa Thrünpuh miki amütsü rhimodo; arünü api bahyuk, tüsho arü miro Atungpuh lakhi chingnü anguhde tso, tüsho arü dunglim anguh.

2 KIUTHSÜYUKHEAN 6:40

Kheakü, O I Thrünpuh, ha dangpung chingnü tamkhüntamnükhi lim nü mükbo khimshuhang tüsho nü nükhünbo anguhang.

EZRA 10:1

Ezranü tripde arüngyam miki khukningbahle tamkhüntamnüde harü neak alokhichoki, Israel boto athrürü, aliberü, tüsho azürübo api mükamde arübah tüzhode trip.

EZRA 10:11

Jumonü kheakü, nüsa neak Atungpuh , nüsa jipürü Thrünpuh ki alokhiang, tüsho Api lümkhi rhimoang. Isa lo ching larü khiungkerü tüsho khiungkeberü nüsa niuberü kheaknü chamachihang.”

NEHEMIA 1:11

O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

MUNGSHIKHÜN 102:17

Apinü abahyukkhi mihtsürübonü tamkhüntamnükhi leangkhijihbah, tüsho arü tamkhüntamnükhi mükhemükim müthsü.

MUNGSHIKHÜN 106:6

Isanü isa jipürü lung neak yihbeakdo, isanü amülim yihbeakdo, isanü mihbukmuyukde rhimodo.

MUNGSHIKHÜN 130:2

Atungpuh , I düsheak sojang! Inü amushukhi düsheak lim nü nükhünbo yukde anijang.

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MUNGSHIKHÜN 34:15

Atungpuh mük ju thiyuro-lungkirü lim, tüsho api nükhün arü zhikhi thrip lah.

MUNGSHIKHÜN 55:17

Arelim, yapsulim tüsho animuro inü tamkhüntamnübah, tüsho achangnü azhibah, tüsho apinü I düsheak sobah.

MUNGSHIKHÜN 88:1

O Atungpuh , I akhümkhit Thrünpuh, inü animung tüsho are nü ki zhido.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

TÜZHOKHI 5:7

Isa jipürübonü neak yihbeak; arü kheaküa müla, tüsho isanü arü amülimbo hanlah.

DANIEL 9:15

Kheakü, O Atungpuh isa Thrünpuh, shepünü khah ato hode nü mihtsürü Ijip chingnü bekhit tüsho khihni ha khiungde nü mung thude kamshihkhea, isanü neak yihbeakdo, isanü amülim thsüdo.

DANIEL 9:20

Inü I Thrünpuh amüsüh wung thsungkheak Atungpuh I Thrünpuh ki I neak tüsho I mihtsürü Israel neak alokhide asuk tüsho tamkhüntamnü thsü.

DANIEL 9:4

Inü Atungpuh I Thrünpuh ki tamkhüntamnü tüsho neak alokhide tha, “ O, Atungpuh , ato tüsho atrebe Thrünpuh, shepünü nü muzhorü kheak tangzüng tüsho mihmüthsüm zocho tüsho nü yukhüm zocho,

DANIEL 9:5

isanü mihbukmuyuk rhimode tüsho azhihde nü yukhümbo tüsho yuzüngbo kheaknü rholobah tsode neak yihbeakdo tüsho amülim thsüdo.

DANIEL 9:8

O Atungpuh , isa le isa kiulongthsürübo, isa yakzanshuhrübo tüsho isa bebuhrünü isanü nü azhihde neak yihbeakkhi hode isa miro müdünkhit.

LUKNÜ ATHRÜTKHI THIYUSHEAK-ATSÜ HUHTANYU 18:7

Thrünpuhnü apinü amokhitkhi animung tüsho are api ki zhirü mahmükhapjihba de? Apinü arü ki aruhba de?

LUKNÜ ATHRÜTKHI THIYUSHEAK-ATSÜ HUHTANYU 2:37

tüsho anihbe kam 84 khiungde khimode la. Alibenü küyimkishe arüngyam bahbah mutso tüshe azhing ayin kingaünde, khümkeakde tüsho tamkhüntamnüde alakheah.

EFISIA 2:3

harü bolung isa alalanü khülangki pang tüsho lümkhinü alunekhi yande shihkünkhi ching la, tüsho isa susunü püpürü mihtsürübo nangde bukakhiukkhi tsührübo lakheah.

1 TIMOTHI 5:5

Alibe shepü atsütsü khimoberü la, tüsho langzü lanü, anihbenü Thrünpuh kheak mulonglam zoshang tüsho azhing ayin mutukzhakde mushude tamkhüntamnüshang;

2 TIMOTHI 1:3

Küyimki inü I tamkhüntamnü ching azhing ayin nü lümkhitbanü, I buh pürünü arhimokhi nangde I lümkhi amüsühnü atankihkhi Thrünpuh ki inü makshe jihchoh.

1 JOHAN 1:9

Isanü isa neakbo thakhitsho, api ju thiyuro tüsho alungki lah, tüsho apinü isa neakbo bahjihde thiyuro-mülungkikhi alala chingnü isa müsühjihbah.

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.