NEHEMIA 1:5 - AMÜSÜH HÜM CL Bible (BSI)

⁵ Inü tha, “O Atungpuh yinmi Thrünpuh! Nü ato tüsho atrebe Thrünpuh; nü muzhorü tüsho nü yuzüng yanrübo kheak tangzüngkhi nünü zochoh.

NEHEMIA 1:5 Iomraidhean Croise

1 KIULONG THSÜRÜ 8:23

Apinü tha, “O Atungpuh ; Israel Thrünpuh, nü yamlarübo arü mulong athrünkhinü nü müngüh tsahrü thsungkheak tangzüng zokhi tüsho düngyingde muzhokhi nü nangde achanglim yinmi ching tüsho abolim alomi kheak Thrünpuh sheshe müla,

1 KIUTHSÜYUKHEAN 17:21

Nünü Ijip chingnü arhokhitkhi nü mihtsürü müngühnü trükshihbo yankhitde api mung toshihde tüsho atrebe rhimode Thrünpuhnü api mihtsürü thsüpü rhokhitpü yükhi alomi kheak lakhi trükshih khülang, nü mihtsürü Israel nangde she la?

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

NEHEMIA 2:4

Kiulongthsüpuhnü keokhi, “Nünü akünkhi ju tümü a?” Inü yinmi Thrünpuh ki tamkhüntamnü,

NEHEMIA 4:14

Mihtsürübonü mulong sansankhi ngübah inü arübo limberü tüsho atorübo ki tha, “Isa riri dütre. Atungpuh lümkhitang. Api küdükhüh ato tüsho atrebe, tüsho apinü nüsa mihtsürü, nüsa tsührübo, nüsa niuberü tüsho nüsa yambo thsungkheak keochihjihchoh.”

NEHEMIA 4:8

Jumonü arünü mulomülapde Jirusalem yanpü arü tüsho ju ching neamneamjih,

NEHEMIA 9:32

O Thrünpuh, isa Thrünpuh, nü küdükhüh ato! Küdükhüh atrebe, küdükhüh wu! Nünü tangzüngkhibo thiyuronü rhimodo. Asiria kiulongthsürünü isa junokhi chingnü, kheakü khiungde! Isa kiulongthsürübo, limberübo, amükeamrübo tüsho wukihrübo, jipürübo, tüsho mihtsürü alala kheak küpkhukkhi nü miki anikhüh nangde dükamshih!

MUNGSHIKHÜN 47:2

Tümüde Khide Achang Atungpuh ju atrebe lah; api ju alomi alala kurungkheak ato kiulongthsüpuh ah.

MUNGSHIKHÜN 76:8

Nünü yinmi chingnü mahkhappü tha, tüsho alominü tre tüsho zhikde la.

MUNGSHIKHÜN 89:2

Tümüde inü tha, “Mihmüthsüm lünnü rünkihde alabah; nünü yinmibo ching nü thiyuro lashihbah.”

MUNGSHIKHÜN 89:3

“Inü mokhitkhi kheak inü tangzüng khülang thsüdo, inü I yamlarü David ki thiyuchihchimdo:

MUNGSHIKHÜN 89:8

O Atungpuh Wuto Thrünpuh, O Atungpuh , nü nangde she wuto la? Nü thiyuro lakhinü nü mükamdolah.

ABEKHIT 20:6

tüshe I muzhorü tüsho I yukhümbo zorü chithürübo ki mihmüthsüm huhchoh.

YUZÜNGTHALO 7:12

“Tümütüsho nüsanü harü yuzüngbo anide arhimokhi hode, Atungpuh nüsa Thrünpuhnü nüsa kheak tangzüngkhi tüsho nüsa bebuhrü kheak mihmüthsüm jihpü alokhikhi zobah.

YUZÜNGTHALO 7:21

Nüsanü arü ki dümüyinsah; tümüde Atungpuh nüsa Thrünpuh, ato tüsho atrebe Thrünpuh nüsa bolung lah.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;