NEHEMIA 1:3 - AMÜSÜH HÜM CL Bible (BSI)

³ Tüsho arünü I ki tha, “Lomi ching rhangdung larü ramtso chingnü alunglorübo thsümütsü ato ching lah tümüde arü hingrü khiungkerünü arü junode lah; Jirusalem chipi she kheakü khiungde keama yaplah, tüsho chipimurungbo she monü takabahdo.”

NEHEMIA 1:3 Iomraidhean Croise

1 KIULONG THSÜRÜ 9:7

judüki inü Israel ju arü jihkhi lo chingnü adükheakshihbah; tüsho inü I mung thsungkheak müsühkhitkhi yam ju inü abahyukbah; tüsho Israel ju mihtsürü alala bolung müchitmudu tüsho münedung kambah.

2 KIULONG THSÜRÜ 25:10

Aheangrü wühkenobuh lung bekhi Kaldea bonungrübonü Jirusalem mükamde chipi kingkheam.

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

EZRA 2:1

Kheakü harübo ha lomibo ching sherü Nebukednezar nü rama lubah Babilon ching tsokhea, arü Jirusalem tüsho Juda lim buh kiulonglong ching arülo.

EZRA 5:8

“Nü ki mükheahshihpü lümkhi ju, isa Juda lomi ching Ato Thrünpuh yam ching yüdo. Lung atotonü khimtanbah thrüna lah, tüsho abinkiu kheak rhü zünlah; ha rhimo ching khide jinjihde rhimokhamde yümuroh.

NEHEMIA 11:3

Harü ha Jirusalem ching lakhi lomi limberübo ah; tüshe alala Juda kiutobo ching nihbuh yamalo kheak arü kiutobo ching lakheah: Israelrü, amükeamrü, Levirü, arüngyam tankihrü tüsho Solomon yamlarü tsühsoniusobo.

NEHEMIA 2:13

Azhing ching ju kiuto chingnü tsahmusubah Jindükhün Chipiripit huzulimpeang tüsho jingbolim shirung shihye hode müneanmuru bahpung chipiripit lim yü. I yübah kiuto chipi keamkhi tüsho chipimurungbo monü takabahkhi chinzhina kheah.

NEHEMIA 2:17

Tüshe inü arü ki tha, “ Kheahang isa küdükhüh thsünükhi ching la, tümüde Jirusalem thsümünima lah tüsho chipiripitbo monü taka lah! Arang, isanü Jirusalem chipi thsüloanü, ju hode isa kheak mihmüthsüm mülakhi arün thsüshihanü.”

NEHEMIA 2:3

tüsho alo, “ Kiulongthsüpuh, kutsüpde laang! Isa jipürü kiuyuka bahpung kiuto thsümünima tüsho chipiripitbo monü takabah-a lachoki tümüde I mulong mutukthsüpü?”

NEHEMIA 7:6

Harü ha lomi mihtsürü, Nebukednezarnü ramde ayükinü arü yamkhünbo Babilon azhorü kuhi ching lakhi, Babilon lomi bahjihbah Jirusalem tüsho Juda buh kiuto buh kiuto lim alode arü.

ESTER 1:1

Kiulongthsüpuh Zerzes shepü hode Indianü Ethiopia khiungde 127 kiulongthsü kurungkheak,

MUNGSHIKHÜN 79:4

Isa mühi trükshihbonü isa mükhemükimchoh; arünü isa ki münejihchoh tüsho keangrümünechoh.

MÜCHITMUDU 25:28

Shepünü nihbuh müdanyuknü chipi keamabahkhi kiuto nangde lah.

ISAIA 43:28

jumonü inü arüngyam yakzanshuhrü ki mümüsühkhi khejih, inü Jakob muthrumüneanpü tüsho Israel luhmünepü jih.

ISAIA 5:5

Tüsho kheakü I yo kurungaso kheak tümü rhimobanü inü nü ki thaanü. Inü sangrung sündokhi yihkhita bahbah tüsho thsümünimbah; inü rhü lukkheambah, tüsho jungkheambah.

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 29:18

Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 39:8

Kaldearünü kiulongthsüpuh yam tüsho mihtsürübo yam tak tüsho Jirusalem chipi yihmülünjih.

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

JEREMIA 5:10

Anihbe kurungasolu ching wutuang tüsho thsümünimang, tüshe shahde dükheamshih; anihbe khahbo chia bahang, tümüde arübo Atungpuh yo yung.

JEREMIA 52:14

Aheangrü wühkenobuh lung yürü Kaldearü bonungrü alalanü Jirusalem mühide chipi yihkheamabah.

TÜZHOKHI 1:7

Anihbe thsünüde rümde atsahchoki adüso nimungbo ching anihbe shoto kukruk alala Jirusalemnü lümkhitchoh. Küyimki anihbe mihtsürü thiriri khah ching yüzahkhea, tüsho anihbe rungpü she mülakhea, thiririnü anihbe keamkhi kheahbah münejih.

TÜZHOKHI 2:9

Anihbe chipiripitbo alo ching keamyukdo; apinü akhrihbebo yihshak tüsho thsümünimdo; anihbe kiulongthsürü tüsho yakzanshuhrü trükshih bolung lah; kheaküa yakzan müla, tüsho anihbe wukihrübo Atungpuh kilimnü michih müngü.

TÜZHOKHI 3:61

O Atungpuh , arünü I azhihde mükhemürangkhi alala nünü sodo.

TÜZHOKHI 5:1

O Atungpuh , isa kheak tümü keamkih-a lanü lümkhitjang; mürüngang, tüsho isa achih ngükhi kheahang!

LEVI 26:31

Inü nüsa kiutobo akeangkeang kamshihbah tüsho amüsüh dangpungbo zhikabahshihbah, tüsho nüsanü arhümthüneabe kingaünkhi mümünimjih.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.