NEHEMIA 1:11 - AMÜSÜH HÜM CL Bible (BSI)

¹¹ O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

NEHEMIA 1:11 Iomraidhean Croise

THRÜNTAN 24:42

“Tüsho ha nimung inü kekhip ki arü tüsho tha, ‘O Atungpuh I putungrü Abraham Thrünpuh, nünü kheakü I yüpü limro ching akuk ngüshihsho,

THRÜNTAN 32:11

Inü tamkhüntamnüchoh, I khiung Esau khah chingnü I bekhitang; tümüde inü api trelah, jude yungsho api arübah tüsho I le tsührübo tüsho berübo laksahbah.

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

THRÜNTAN 40:1

Kim anükhüh dunglim, Ijip kiulongthsüpuh pung-jihrü tüsho yikhap-takrü anenü arü putungrü azhihde rhimo.

THRÜNTAN 40:2

Tüsho Pharaonü api yo atorü hane, pung-jihrü azopü tüsho yikhap-takrü azopü kheak bukakhiuk.

THRÜNTAN 40:21

Judüki apinü pung-jihrü ju anihbuh rhimo ching yüloshih, tüsho apinü Pharao khah ching pung jih.

THRÜNTAN 40:23

Tütüshe pungjihrü azopünü Josep mülümkhit, tüshe api mihabah.

THRÜNTAN 41:9

Judüki pung-jihrü azopünü Pharao ki tha: “Khihni inü I mülimkhi lümkhitchoh.

THRÜNTAN 43:14

Tüsho Wuto Thrünpuhnü mihtsürübuh miki nüsa amüthsüm jihshang, junangde apinü nüsa niurü püpü le Benjamin büne dükhebah. I a tsührübo dükheakpü lasho, tümüyu lapü!”

2 KIUTHSÜYUKHEAN 6:40

Kheakü, O I Thrünpuh, ha dangpung chingnü tamkhüntamnükhi lim nü mükbo khimshuhang tüsho nü nükhünbo anguhang.

EZRA 1:1

Sairusnü Persia kiulongthsükhi akhuhbe kam ching, Jeremia mün hode Atungpuh yu dünjishihpü thsüde, Atungpuhnü Persia kiulongthsüpuh Sairus me tuthsukmusu tüsho api kiulongthsü bukkhüp lomi alala ching thrüta zhiyukshihpü tha:

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

NEHEMIA 1:6

Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

NEHEMIA 2:1

Kiulongthsüpuh Artazerzes kiulongthsü kam muku bankhitchoki, Nisan khinu ching api yimtsühde alachoki inü yukhu hande yünü jih. Küyimkishe I mulong tukthsüde api miki muhuhakheah,

NEHEMIA 2:8

Tüsho kiulongthsüpuh sangmüküh neakbuh Asaph kilim, arüngyam shahwün chipiripitbo, kiuto chipi thsungkheak tüsho I lapung thsüpü sang jihshihpü kihüm thrütang de inü tha. Inü akheangkhi alala kiulongthsüpuhnü mülüjih, tümüde Thrünpuh I lung lakheah.

MUNGSHIKHÜN 106:46

Apinü arübo ramde ayürübonü she arü kheak muzhoshih.

MUNGSHIKHÜN 130:2

Atungpuh , I düsheak sojang! Inü amushukhi düsheak lim nü nükhünbo yukde anijang.

MUNGSHIKHÜN 61:5

Tümüde nünü I thiyuchihchimkhi so, O Thrünpuh, nünü nü mung trerü yamrüplurüp I kilim jih.

MUNGSHIKHÜN 86:6

I tamkhüntamnü sojang, O Atungpuh , mihmüthsüm thsungkheak zhikhi anijang.

MÜCHITMUDU 1:29

Tümütüsho arünü mükheahmudu thranean tüsho Atungpuh trepü mümokhit,

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

JEREMIA 42:12

Inü nüsa ki mihmüthsüm mülüjihbah, tüsho apinü nüsa kheak mihmüthsüm labah tüsho nüsa asürüpung lomi ching nüsa yülobah.

MALAKI 3:16

Judüki Atungpuh wüntrerünü khülangnü khülang ki asukachih. Atungpuhnü ju ani tüsho so tüsho Atungpuh wüntrerü tüsho api mung ching lümrü lümkhitpü hüm api miki thrüta lakheah.

IBRI 13:18

Isa thsungkheak tamkhüntamnüjang, tümüde lüpdükhi ching wüntre lade arhimopü mulongde isa lümkhi müsühlah de isanü mütsanlah.