NAHUM 3:11 - AMÜSÜH HÜM CL Bible (BSI)

¹¹ Nü she amüshangbah, nü jikde ayübah; nü thiriri kheaknü tsoyukpung yimbah.

NAHUM 3:11 Iomraidhean Croise

MUNGSHIKHÜN 75:8

Tümüde Atungpuh khah ching pung khülang lah, tüsho yukhu ju amürüm; ju tsüde rhuzhihzhih, tüsho apinü dungkhitchoh; tüsho alomi mihbukmuyuk alalanü mütrünkhide ayungbah.

ISAIA 2:10

Atungpuh atrebe tüsho api wüntre-müretah chingnü tsokhide lungkhün ching yüzahang tüsho alokhün ching jikang.

ISAIA 2:19

Apinü alomi müzünpü asürüchoh, Atungpuh atrebe tüsho api wüntre-müretah chingnü tsokhide lungkhünbo tüsho alokhün ching yüzahbah.

ISAIA 29:9

Nüsa makhaang tüsho zhazhade kamang, nüsa mük yihdoang tüsho tukang! Müshangang, tüshe yukhunü yung; yingyingang, tüshe amüshangbenü yung!

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

ISAIA 63:6

I bukakhiukkhi ching inü mihtsürübo thrümthünak, I bukakhiukkhi ching inü arü zünak, tüsho inü arü rhangdung thiyih alomi kheak dungabah.”

JEREMIA 4:5

Juda ching thakhiang, tüsho Jirusalem ching zhiyukang tüsho thaang. Lomi alala ching hulipungpung mütang; achangnü ahoang tüsho thaang, “ Rukhüh mukhungang, tüsho isanü chipi ayünkhi kiutobo ching yüzahanü!”

JEREMIA 51:57

Inü anihbe torübo tüsho lümlung larübo müshangshihbah, kovünorbo she, atorübo tüsho thirithsürübo; arünü kamruhroro yapbah tüsho küyimkishe masürü, kiulongthsüpuhnü thachoh, shepü mung Wuto Atungpuh la.

JEREMIA 8:14

Tümüde isa kheakü khiungde binla? Rukhüh mukhungang, isanü chipi ayünkhi kiuto ching yüzahanü, tüsho ju ching dükheakanü; tümüde Atungpuh isa Thrünpuhnü isa dükheakshihpü akhuabahdo, tüsho müzüm ke ayungpü jihdo, tümütüsho isanü Atungpuh azhihde neak yihbeakdo.

HOSEA 10:8

Israel neak Aven achang dangpungbo thsümünimbah. Ayang tüsho khingphubo arü kingaün sadambo kheak mukhuhbah. Arünü müzüngbo ki, Isa lüpdoang, tüsho awungbo ki, Isa kheak keamkihang, de athabah.

AMOS 9:3

arünü Karmel mujuk kheak jikjik she, ju chingnü inü arü yimkhitbah; tüsho arünü I mikinü keto alunglim jikjik she, ju ching inü ke-phuruto ki thiyukhüm jihbah, tüsho junü arü nguhbah.

MIKA 7:17

arünü alo kheak chinde abükhi phuruto nangde asungthulung müleakbah; arübonü arü chipibo chingnü ajande akhiukbah; arünü Atungpuh isa Thrünpuh kilim trede rholobah, tüsho arünü nü dünkheak trebah.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

NAHUM 2:1

Nü azhihde ayanrü atua lah! Chipibo aheangang; limro kheahang; nü chimbo rümang; keochihpü thsakhamang.

LUKNÜ ATHRÜTKHI THIYUSHEAK-ATSÜ HUHTANYU 23:30

Judüki arünü müzüngbo ki, ‘Isa kheak keamang!’ tüsho awungbo ki, ‘Isa zhidoang!’ de athapü tankihbah.

1 SAMUEL 13:6

Küyimki Israelrünü ju ngükhea, arübo lümthsünü ching lakheah (tümüde thirithsürübo ju müküpdakde alakheah), mihtsürübonü arü zangrü lungkhün, alokhün, lungtobo tüsho akukarukbo ching jikabah.

1 SAMUEL 14:11

Jumonü ane chidonü Filistiarü thiriri boto ki ane huh; tüsho Filistiarünü tha, “ Kheahang, Ibrirübo arü jikpung alokhün chingnü akhiukchoh.”