NAHUM 3:1 - AMÜSÜH HÜM CL Bible (BSI)

¹ Ayokhe! thiyih bukkhi kiuto, akeangyunü amikhi, ayankhikhinü amikhi, ayankhikhinü akheam müla!

NAHUM 3:1 Iomraidhean Croise

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

ISAIA 17:14

Arelim kim ching kheahang, atrebe! Yapsu mükikde arübo müla. Ha isa thsümünimrü kuhi lah, tüsho isa yanrü shihcham lah.

ISAIA 24:9

Kheaküa arünü khün thsüde yukhu muyung; ayungrü ki ayungbe amüküp ju khühlah.

ISAIA 42:24

Shenü ayankhirü kilim Jakob jihkhea tüsho jangkhijangrarü kilim Israel jihkhea? Ha Atungpuhnü yung de, shepü azhihde isanü neak yihbeakkhea, shepü limrobo ching arünü mütsahkhea, tüsho shepü yakzan arünü manikhea?

HOSEA 4:2

Thiyuchihchim, akeangyu, mihlaksah, ahühkhi tüsho müzammüram akhiukdo; thiyih bukkhinü thiyih bukkhi yankihlah.

NAHUM 2:12

Kekhüzünü amüyambe tüsho anunu khilim shih laksah tüsho adütre kamde thonak; apinü shih thonakkhinü ayam mishih.

NAHUM 2:13

Kheahang, inü nü azhihde lah, Wuto Atungpuhnü thachoh, tüsho inü nü khora-lolungbebo mokhüh alükde atakbah, tüsho nukshangnü nü yo kekhüzü nunubo muyubah; inü nü shih alomi chingnü akheamshihbah, tüsho nü yunithsürü düsheak musolo.

HABAKKUK 2:12

“ Nüsa sherünü thiyih bukkhinü kiulongto thsücho, tüsho amülimkhinü kiuto thrünchonü are!”