NAHUM 2:8 - AMÜSÜH HÜM CL Bible (BSI)

⁸ Nineve ju ke bukkhita bahkhi kekung nangde lah. “Tukloang! Tukloang!” de alanchoh– tüshe she murholo.

NAHUM 2:8 Iomraidhean Croise

THRÜNTAN 10:11

Ju lomi chingnü api Asiria ching yü tüsho Nineve, Rehoboth-Ir, Kala thsü,

ISAIA 13:14

Shihyankhi shihmüchi nangde, yungsho akümrü mülakhi namfimihnu nangde, alala arü nihbuh mihtsürübo kilim rholobah, tüsho alala arü nihbuh lomi lim tsobah.

ISAIA 38:14

Kiurürüt yungsho kewüh nangde inü khungchoh, müthrithrümpü nangde inü ashechoh. Akulim kheahkhinü I mükjibo keahdo. O Atungpuh , I junoa lah; I khümkhitang!

ISAIA 47:13

Lümlung-jihrü ahihdo kheak nü khia lah; sherünü thüningbo tüsho chiningbo khecho, tüsho khinu aso aban nü kheak dünjipü müchitchonü asürüshang tüsho nü khümkhitshang.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 59:11

Isa alala kuto nangde ahukchoh; müthrithrümpü nangde isanü ashede tüzhochoh. Isanü thiyuro aleangchoh, tüshe ju ching tümü müla; akhümkhit aleangchoh, tüshe isa kheaknü limshude lah.

JEREMIA 46:5

Tüshe tümüde arü trekhi inü ngücho? Arübo rholode arüdo; arü thirithsürübo kukabahdo tüsho niokheamde tsodo. Arünü rholoa mükheah– alala mühide atrebe lah! Atungpuhnü thachoh.

JEREMIA 47:3

Api khorapungbo biuo jungkhi düsheaknü, api khora-lolungbe truktrukkhinü, arü lolungbe-jing düsheaknü, tsührübo rungpü berübuhrü malodarü, arü khahbo khide kika lah,

JEREMIA 50:16

Babilon chingnü müjih-hiurü tüsho yimlu kim ching hirhüpbe dükheakshang; tümütüsho athsümünimbe nukshang trekhinü arü mihbüm aban nihbuh mihtsürü kilim rholobah, tüsho nihbuh lomi lim shande ayübah.

JEREMIA 51:13

Nüsa sherü ke ahihdo yean lacho, rahpungbo ching lakhit la, nüsa yo akheam arüdo, nü rhangdung liu yihshakdo.

JEREMIA 51:30

Babilon thirithsürübonü keochihpü tuklodo, arübo chipi ayünkhi ching lah; arü sühmüh keaka lah, arübo azoberü kamdo; anihbe yambo keak mo takkihdo, akhrihbebo zhaka lah.

NAHUM 1:1

Nineve dünkheak müchityu. Elkoshrü Nahum michih hüm.

NAHUM 3:17

Nü aheangrübo sangyü-tangkhobo nangde, nü yo atorübo tangkho boto athsak nimung shahwün kheak binkhi nangde lah–küyimki ani akhiukbanü, arübo phinde tsoabahchoh; arü küching yüdünü shenü mümükheah.

AMIKHEAKAKHIUKKHI 17:1

Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah.

AMIKHEAKAKHIUKKHI 17:15

Tüsho apinü I ki tha, “Nünü angükhi kebo, müzammürambe binkhi ju, mihtsürübo, botobo, trükshihbo tüsho thiyuthabo ah.