NAHUM 2:3 - AMÜSÜH HÜM CL Bible (BSI)

³ Api thirithsürü tsung ju amürüm ah; api bonungrü aneakrüm khim yihlah. Apinü arü bemukhungkhi nimung khora-lolungbebo kheak yinchi phürapchoh; arü khorabo jukkihchoh.

NAHUM 2:3 Iomraidhean Croise

JOB HU H T ANYU 39:23

Ju kheak hühzopung traktrakchoh, thsüh tüsho thsühshangpü rakrakchoh.

MUNGSHIKHÜN 80:13

Shihneakbonü ju jungnakchoh, tüsho mütüm shiwühbonü jurü tsühchoh.

ISAIA 14:8

Saipress sangbonü nü kurungkheak asühchoh, Lebanon cedarbonü thachoh, ‘ Tümütüsho nü abukkhüp yapmonü, isa kiushakpü she marü.’

EZEKIEL 23:24

Arünü nü azhihde dukulimnü khora-lolungbe, athsunglolungbe tüsho boto mihtsürü bebah arübah; arünü nü azhihde thrip aban chingnü tsung anini tüsho atoto, tüsho yinchi-kuthran lubah azhipbah, tüsho inü arü kilim mahkhappü jihbah, tüsho arünü arü yuzüng yande nü mahkhapbah.

EZEKIEL 26:7

Tümüde Atungpuh Thrünpuhnü ha thachoh: Inü Tair azhihde dukulimnü Babilon kiulongthsüpuh Nebukednezar, kiulongthsürübo kheaknü kiulongthsürü bedarübah, ju lung khorabo, khora-lolungbe, khoraberü tüsho bonungrü ahihdo bebah.

NAHUM 3:2

Shitso düsheak tüsho lolungbe jingkhün, khora jukkihchoh tüsho khora-lolungbe dükhiungchoh!

ZEKARIA 1:8

Azhing ching inü mihtsürü khülang khora amürüm kheak binde ngüdo! Api ju jindükhün ching martel sangbo lung zhipde alakheah; tüsho api dunglim ju khorabo amürüm, mürümmuchu tüsho amüye zhipde alakheah.

ZEKARIA 11:2

Tüzhoang, O saipress, tümüde cedar lungdo, tümüde sangbo müretahkhi thsümünimdo! Tüzhoang, Bashan thülamsangbo, tümüde murung akheahbo kiukheamdo!

ZEKARIA 6:2

Akhuhbe lolungbe ching khora amürümbo lakheah, mahnepü lolungbe ching khora amürakbo,

AMIKHEAKAKHIUKKHI 12:3

Jushu amütsan püpü thüning kheak akhiuk; dragon amuliuh amürüm khülang aku thüne, ajuh thürü tüsho akubo kheak kuthran thüne kihde alakheah.

AMIKHEAKAKHIUKKHI 6:4

Jushu khora püpü amürüm akhiuk. Mihtsürübo khülangnü khülang laksahachihshihpü thsüde abebuh kilim ju alomi chingnü mungtsü luakhinpü wu jih; tüsho api kilim nukshang ato khülang jih.