NAHUM 2:2 - AMÜSÜH HÜM CL Bible (BSI)

² (Tümüde Atungpuhnü Jakob wüntre-müretah, Israel wüntre-müretah jihlochoh, tümüde yankhia-lurünü arübo rhoa lu tüsho akhahbo thsümünima lakheah.)

NAHUM 2:2 Iomraidhean Croise

MUNGSHIKHÜN 47:4

Apinü isa thsungkheak isa yamrüplurüp, apinü amuzhokhi Jakob tsüdakkhi mokhitbah.

ISAIA 60:15

Nü bahyuka tüsho thraneana shenü mütsahhode lalashe, inü nü lünnü wüntre-müretah kamshihbah, lün alala ching asühachihshihbah.

JEREMIA 25:29

Kheahang, I mung tamde ajikhi kiuto kheak inü thsümütsü handarüpü tankihchoh, tüsho küde thsah nüsanü thsümüchi tsokhikhukpü? Nüsa müthsümüchidüa müyü, tümüde lomi ching larü alala azhihde inü nukshang jihchoh, Wuto Atungpuhnü thachoh.

JEREMIA 48:11

Moab a api athunuchokinü zuzu lakheah, yukhu nangde azhihzhih kingmukhungdo; api a phüh khülang chingnü khülang mudungakeang, yungsho api a ramtso ching müyü; jumonü api kekhi judü lang lah tüsho api rhümthüneakhi mümüthri.

JEREMIA 49:9

Kurungaso-rhorü nü kilim arüsho arünü kurungaso anükhüh maningshihba de? Ahührü azhing ching arüsho arünü arü künkhi thülün lang mahühba de?

EZEKIEL 37:21

arü ki thaang, Atungpuh Thrünpuhnü ha thachoh: Inü Israel mihtsürübo arü yüpung trükshih bolungnü alubah, tüsho thrip aban chingnü arü bemukhungbah, tüsho arü nihbuh lomi ching bedarübah.

EZEKIEL 37:23

Arünü küyimkishe nihbuh zangrü arü sangthsübo tüsho athraneanbebo yungsho alakmihkhi khürü hode müneana mulu. Arü rholode atsokhi neakbo alala chingnü inü arü khümkhitbah, tüsho inü arü müsühkhitbah. Arü I mihtsürü thsübah, tüsho I arü Thrünpuh thsübah.

HOSEA 10:1

Israel a aso hihkhi kurungaso nangde lah. Api aso hih yande, apinü kingaün sadam alü thsü; api lomi lakhit yande, api dungjingbo alü thsü.

NAHUM 2:10

Thsümünimdo, bahyukdo, zhikabahdo! atrekhinü mulongbo niuthünakdo; mukhukbo ajanchoh, sühmüh tsodo; mirobo pheakmulukdo kamdo!

NAHUM 3:14

Ayanchoki thsungkheak ke khipang, nü chipibo thsakhamang; lotaklung thsüpü alo müleang, tüsho lotaklung tsanglungang!

ZEPHANIA 3:11

Ju nimung nünü I azhihde arhimokhi alala dünkheaknü nü achih müngü; tümüde inü nüsa bolungnü kükheangde asühachihrübo yihkhita bahbah, tüsho nüsanü kheaküa I yo amüsüh müzüng kheak lülüshishi müthsü.