NAHUM 2:13 - AMÜSÜH HÜM CL Bible (BSI)

¹³ Kheahang, inü nü azhihde lah, Wuto Atungpuhnü thachoh, tüsho inü nü khora-lolungbebo mokhüh alükde atakbah, tüsho nukshangnü nü yo kekhüzü nunubo muyubah; inü nü shih alomi chingnü akheamshihbah, tüsho nü yunithsürü düsheak musolo.

NAHUM 2:13 Iomraidhean Croise

2 KIULONG THSÜRÜ 18:17

Asiria kiulongthsüpuhnü bonungrü ahihdo lung Tartan, Rabsari tüsho Rabshake Lakish chingnü Jirusalem ching kiulongthsüpuh Hezekia kilim yüshih. Arünü wutu tüsho Jirusalem ching arü. Küyimki arü khiungkhea, Müsühmürarü Thulu limro ching achangbe kekhip keru ching zhip.

2 KIULONG THSÜRÜ 18:19

Limthobuhnü tha, “Hezekia ki thaang: Ha Asiria kiulongthsüpuh ato kiulongthsüpuhnü thachoh: tümü kheak düthsün angüde nünü mulonglamcho?

2 KIULONG THSÜRÜ 19:23

Nü yunithsürü hode nünü Atungpuh keangrüdo, tüsho nünü tha, ‘I yo khora-lolungbebo ahihdo lubah awung achangbo kheak inü wutukheah, Lebanon achangbo khiungde. Inü cedar ashangshang kiushak, amokhitkhi saipressbo; inü amukhiungpung murung achak khiungde yü.

2 KIULONG THSÜRÜ 19:9

Küyimki kiulongthsüpuhnü Ethiopia kiulongthsüpuh Tirhaka dünkheak sokhea, “ Kheahang, nü bede thirithsüpü api tsahmusudo,” kheaküshe apinü yunithsürübo Hezekia kilim yüshihde tha,

2 KIUTHSÜYUKHEAN 32:19

Arünü Jirusalem Thrünpuh dünkheak mihtsürü khahnü athsükhi lomi mihtsürü thrünpuhbo nangde asuk.

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

JEREMIA 21:13

Kheahang, inü nüsa azhihchoh, O jindükhün ching larübo, O adükhün lungto, Atungpuhnü thachoh; nüsa sherünü tha, “Shenü isa azhihde akikhukpü, yungsho shenü isa jikpung azahkhukpü?”

JEREMIA 46:14

Ijip ching thaang, tüsho Migdol ching zhiyukjang; Memphis tüsho Tapanhes ching zhiyukjang; Thaang, “ Nüsa zhippung mükühang tüsho thsakhamang, tümüde nüsa mükamde nukshangnü amuyubah.”

JEREMIA 50:31

Inü nü azhihlah, O kükheangküyangbuh, Wuto Atungpuh Thrünpuhnü thachoh; tümüde nü nimung, inü nü thsümüchipü kim arüdo.

JEREMIA 51:25

Inü nü azhihde lah, O athsümünimrü wung, Atungpuhnü thachoh, küpü hode alomi abümnü thsümünimcho; inü nü azhihde I khah chungkihbah, tüsho inü nü lungku chingnü lungde yükishihbah, tüsho takabahkhi wung kamshihbah.

EZEKIEL 13:8

Jumonü Wuto Atungpuhnü ha thachoh: Nüsa amülim yubo tüsho akeangyu michihbo hode, inü nüsa azhihchoh, Wuto Atungpuhnü thachoh.

EZEKIEL 21:3

tüsho anihbe ki thaang: Atungpuhnü ha thachoh: Inü nü azhihde lah. Inü nuktrüp chingnü nukshang dukkhitbah tüsho nü kheaknü thiyuro lakhi tüsho mihbukmuyuk chido lipkhibah.

EZEKIEL 26:3

Jumonü, Atungpuh Thrünpuhnü ha thachoh: Kheahang, inü nü azhihde lah, O Tair! Inü nü azhihde trükshih ahihdo, ketonü abükde arükhi nangde bedarübah.

EZEKIEL 28:22

tüsho thaang, Atungpuh Thrünpuhnü ha thachoh: Inü nü azhihde lah, O Sidon, tüsho nü phulung ching inü müretahbah. Küyimki inü ju ching mahkhapba, tüsho ju ching I amüsüh akhiukba, arünü I Atungpuh de mükheahbah;

EZEKIEL 29:10

jumonü, inü nü tüsho ayungbo azhihde lah, tüsho inü Ijip lomi shahde thsümünimbah tüsho, Migdol chingnü Sene, Ethiopia aredungyean khiungde azhihshihbah.

EZEKIEL 29:3

asukang, tüsho thaang, Atungpuh Thrünpuhnü ha thachoh: Inü nü azhihde lah, Ijip kiulongthsüpuh Pharao, shiwüh ato ayung phulung lakhinü thachoh, “ Nile ju I yo; ha I thsungkheak inü thsü.”

EZEKIEL 35:3

tüsho thaang, Atungpuh Thrünpuhnü ha thachoh: Inü nü azhihde lah, Edom müzüng; nü zhikshihpü tüsho abahkhi kamshihpü inü nü azhihde I khah chungkihlah.

EZEKIEL 38:3

tüsho thaang: Atungpuh Thrünpuhnü ha thachoh: Inü nü azhihde lah, O Gog, Meshek tüsho Tubal akubeato yakzanshuhbuh;

EZEKIEL 39:1

Tüsho mihtsürü tsührü, Gog azhihde müchitang, tüsho thaang: Atungpuh Thrünpuhnü ha thachoh: Inü nü azhihlah, O Gog, Meshek tüsho Tubal akubeato yakzanshuhrü!

EZEKIEL 5:8

Jumonü Wuto Atungpuhnü ha thachoh: Jirusalem, inü I küdah thsüde nü azhihchoh, tüsho trükshihbo mikinü inü nü mahkhapbah.

NAHUM 2:12

Kekhüzünü amüyambe tüsho anunu khilim shih laksah tüsho adütre kamde thonak; apinü shih thonakkhinü ayam mishih.

NAHUM 3:1

Ayokhe! thiyih bukkhi kiuto, akeangyunü amikhi, ayankhikhinü amikhi, ayankhikhinü akheam müla!

NAHUM 3:12

Nü chipibo alala akhuh asokihkhi kurungasodung nangde–aniungsho atsührü mün ching keamchoh.

NAHUM 3:15

Ju ching monü aniubah, nukshangnü nü lipkhibah. Hanü nü tangkhonü nangde tsühabahbah. Tangkhobo nangde nü hihde kamdo!

NAHUM 3:5

inü nü azhihde lah, Wuto Atungpuhnü thachoh, tüsho nü rungthsün nü miro kheak lahkihjihbah; tüsho inü trükshihbonü nü bünkeang kheak tüsho kiulongthsübonü nü achih ngükhi kheahshihbah.

JIHUSUA 11:6

Atungpuhnü Jihusua ki tha, “ Arübo ki dütre, tümüde shido hadüchokia Israelrü khilim inü arübo laksahbah; nüsanü khora jingbo lipshakbah tüsho lolungbebo takabahbah.”

JIHUSUA 11:9

Atungpuhnü thiyukhüm jihkhi nangde Jihusuanü khora jingbo lipshak tüsho lolungbebo takabahjih.