NAHUM 2:10 - AMÜSÜH HÜM CL Bible (BSI)

¹⁰ Thsümünimdo, bahyukdo, zhikabahdo! atrekhinü mulongbo niuthünakdo; mukhukbo ajanchoh, sühmüh tsodo; mirobo pheakmulukdo kamdo!

NAHUM 2:10 Iomraidhean Croise

THRÜNTAN 1:2

Alomi ju tümü mükamkhitdü lang akeangkeang lakheah; tüsho amiting ju kekim mi kheak lakheah. Tüsho Thrünpuh me kebo kumung aphapde alakheah.

MUNGSHIKHÜN 22:14

I a ke nangde dungkhita lah, I robo phülapa lah. I mulong ju thürip nangde niuthünaka lah;

ISAIA 14:23

Tüsho inü ju lungru lapung tüsho kepheanglo kamshihbah, tüsho inü athsümünimbe phütdungnü aphütbah, Wuto Atungpuhnü thachoh.

ISAIA 21:3

Jumonü I chimbo atukkhinü mido; athsükhinü I tholodo, aliberü zübechoki thsünükhi nangde; inü asochoki I lümthsünüdo, inü ju ngüchoki I mulong keahkhiabahdo.

ISAIA 24:1

Kheakü Atungpuhnü alomi akeangkeang lashihbah tüsho abahkhitshihbah, tüsho ami rhophülapbah tüsho ju ching larü hiumüzütbah.

JEREMIA 30:6

Kheakü keokhiang, tüsho kheahang, athrürünü tsührü zübekhukba de? Dale tümüde aliberü thsünüchoki nangde athrürü abannü chim kheak khah nimbah inü ngücho? Tümüde mihbüm abannü pheakmulukdo kama la?

JEREMIA 49:23

Damaska dünkheak. Hamath tüsho Arpad mulong ninido, tümüde arünü thiyusheak amütsü sodo; arübo atrekhinü janiudo, arübo mükeamramkhi keto nangde küpkhukdo.

JEREMIA 51:62

tüsho thaang, ‘ O Atungpuh , nünü ha dangpung ching mihtsürü yungsho shiwüh mülapü thsüde athsümünimpü müzündo, tüsho ha lünnü azhikkhi labah.’

JEREMIA 8:21

Tümüde amuzhobe I mihtsürü yurikhinü I yuria lah, inü tüzhochoh, tüsho amüyinnimkhinü I tholobah lah.

EZEKIEL 21:7

Tüsho küyimki arünü nü ki, “Tümüde nü ashecho le?” de keokhisho, nünü athabah, “Thiyusheak arükhi dünkheak. Mihbüm aban mulong niuthünakbah tüsho khah kikbah; me keahkhibah tüsho mukhuk niukbah. Ha arüchoh! Ha tsükjide adünjibah,” Wuto Atungpuhnü thachoh.

EZEKIEL 31:15

Atungpuh Thrünpuhnü ha thachoh: Ha Ashe-lomi ching yüzah nimung inü tüzhode asük kumung khimdo, tüsho wudoabah; inü ayungbo tukloshih, tüsho ke atobo mütsanmüküh. Inü Lebanon amonü mitingdo khüpdo, tüsho thulu sangdungbo alala keamabah.

DANIEL 5:6

Judüki kiulongthsüpuh miro pheakmulukdo kam, tüsho api lümkhilümduhnü anihbuh trede kamshih. Api jingkhahbo shekhiabah, tüsho amukhukbo lakachih.

JOEL 2:6

Arü müngüh mihtsürübo thsünü ching lah, alala miro pheakmulukdo kamchoh.

NAHUM 2:2

(Tümüde Atungpuhnü Jakob wüntre-müretah, Israel wüntre-müretah jihlochoh, tümüde yankhia-lurünü arübo rhoa lu tüsho akhahbo thsümünima lakheah.)

NAHUM 3:7

Judüki nü ngürü alalanü nü kheaknü arholobah tüsho athabah, “ Nineve thsümünima lah; shepünü anihbe lümrhihba?” Nü shukheamrü inü küchingnü ayimba?

ZEPHANIA 3:6

Inü trükshihbo phüta bahdo; arü chipibo athsümünim ching lah; inü arü kiudunglimrobo thsümünima lashihlah, junangde shenü jurü ching mütsahho; arü kiutobo ching mihtsürü mülade zhikabahshihdo.

JIHUSUA 2:11

Ju soakede isa khide tre, nüsa dünkheaknü isa mulong tokhi alala dükheakabahdo. Atungpuh nüsa Thrünpuh ju akube yinmi ching tüsho ha lomi kheak Thrünpuh ah.

JIHUSUA 7:5

Airünü arübo kiuto chipimurung chingnü lungdang Shebarim khiungde yan tüsho adüpheak kheaknü 36 bande laksah. Jushu Israelrübo mulong niukthünakde ke kamabah.