NAHUM 1:7 - AMÜSÜH HÜM CL Bible (BSI)

⁷ Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

NAHUM 1:7 Iomraidhean Croise

1 KIUTHSÜYUKHEAN 16:34

O Atungpuh kilim makshe jihang, tümüde api tsülah; tümüde api amuzho lünnü lah.

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

2 KIUTHSÜYUKHEAN 13:18

Hanangde ju kim ching Israelrü juyukabah, tüsho Juda mihtsürünü akuk ngü tümütüsho arünü Atungpuh , arü jipürü Thrünpuh kheak düthsün angü.

2 KIUTHSÜYUKHEAN 32:11

Nüsa khümzung tüsho kethürinü asheshihpü, Hezekianü nüsa ki, ‘Atungpuh isa Thrünpuhnü Asiria kiulongthsüpuh khah chingnü isa khümkhitbah?’ de thade bemüchihchoh yung de?

2 KIUTHSÜYUKHEAN 32:21

Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

2 KIUTHSÜYUKHEAN 32:8

Api lung bekhi ju shih yo bonungrü ah; isa lung bekhi a Atungpuh isa Thrünpuh, isa rungpü tüsho isa thsung thsüde keochihjihpü lah.” Juda kiulongthsüpuh Hezekianü athakhi yubo hode mihtsürübo mulong tode kam.

EZRA 3:11

Arünü aloachihde Atungpuh mung shikhi khün thsü: “Atungpuh tsülah, tüsho api mihmüthsüm Israel thsungkheaknü akheamarün müla.” Mihbüm abannü nihbe düsheak achangnü zhide Atungpuh mung shi, tümüde arüngyam khimtan ju tankih.

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

MUNGSHIKHÜN 100:5

Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.

MUNGSHIKHÜN 20:1

Küpkhuk nimung ching Atungpuhnü nü ki aloshang; Jakob Thrünpuh mungnü nü tsungdoshang!

MUNGSHIKHÜN 25:8

Atungpuh ju atsü tüsho alungki; jumonü apinü aneakrübo limro thsangdanchoh.

MUNGSHIKHÜN 27:5

Küpkhuk nimung api lapung ching I jikshihbah; apinü arüngkhimyam phudobe khüp I jikshihbah, apinü I lungto khülang kheak changde azojihbah.

MUNGSHIKHÜN 37:39

Tüshe thiyuro-lungkirü akhümkhit ju Atungpuh kilimnü lah; api ju küpkhuk kim ching arü sühmüh lah.

MUNGSHIKHÜN 37:40

Atungpuhnü arü rungbah tüsho bekhitbah; apinü arübo mihbukmuyuk kheaknü bekhitbah tüsho khümkhitbah, tümütüsho arünü api kheak kin.

MUNGSHIKHÜN 46:2

Jumonü alomi lahkhitkhit she, tüsho awungbo ju keto ching hande yüyü she isanü mütre;

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 59:16

Tüshe inü nü sühmüh dünkheak khün thsübah; nü muzhodakkhi dünkheak inü yapsu achangnü khün thsübah. Tümüde nü I thsungkheak chipi tüsho I lümthsünü nimung ching I tsoyukpung ah.

MUNGSHIKHÜN 71:3

Nü I tsoyukpung lungto khülang, I khümkhitpü chipi khülang thsang, tümüde nü I lungto tüsho I chipi.

MUNGSHIKHÜN 86:7

I küpkhuk nimung inü nü ki jibah, tümüde nünü I ki alojihbah,

MUNGSHIKHÜN 9:10

Tüsho sherünü nü mung mükheahlanü arünü nü kheak kinbah, tümüde, O Atungpuh , nü yimrü nünü mübahyuk.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 17:17

I ki atrebe düla; nü a thsümütsü nimung ching I tsoyukpung ah;

JEREMIA 24:5

Atungpuh Israel Thrünpuhnü ha thachoh: Harü khubaso atsü nangde, inü ha dangpung chingnü Kaldearü lomi ching yüshihrü Juda ching ramtsorü atsü khejihbah.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

TÜZHOKHI 3:25

Atungpuhnü api aleangrü, api yimrü kheak tsülah.

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

DANIEL 6:23

Judüki kiulongthsüpuhnü khide asüh tüsho kekhüzü-yam chingnü Daniel bekhitpü thiyukhüm jih. Jumonü Daniel ju kekhüzü-yam chingnü bekhit, tüsho api kheak yurikhi tümü müngü, tümütüsho apinü api Thrünpuh kheak kin.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

ZEPHANIA 3:12

Tümüde inü nüsa bolung azhihayih tüsho akheamkhibe mihtsürü zojihbah. Arünü Atungpuh mung ching tsoyukpung yimbah–

MATHI 27:43

Apinü Thrünpuh kheak kindo; kheakü apinü anihbuh khümkhitshang; tümüde apinü tha, ‘I Thrünpuh tsührü ah.’ ”

MATHI 7:23

Judüki inü arü ki khipkhitbah, ‘Inü nüsa küyimkishe mükheah-a müla; I kinü tsoang, nüsa amütsü rhimorübo!’

JOHAN 10:14

I namfimihnu neakrü atsü; inü I yo namfimihnubo mükheahlah, tüsho arünü I mükheahlah.

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.

ROMRÜ KILIM PAULNÜ ATHRÜTKHI KIHÜM HUHTANYU 11:22

Jumonü Thrünpuh mihmuzho tüsho amüküpkhi mütsanang: angaka larü kilim müküplah tüsho nüsanü api amuzho ching mutuklode lasho nüsa kilim mihmuzho lah; jude yungsho nüsa she lipkhia bahbah.

GALATIA 4:9

tüshe kheakü, nüsanü Thrünpuh mükheahdo, yungsho Thrünpuhnü mükheahdo, küde thsah nüsanü jurü bukkhüp azhorü kamlopü reangmüzahkhi tüsho achimudo yuzüngbo lim rholoba?

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”