NAHUM 1:5 - AMÜSÜH HÜM CL Bible (BSI)

⁵ Api miki müzüngbo niukchoh tüsho awungbo niuchoh; api miki alomi, alomiküp tüsho ju ching larü alala ajanchoh.

NAHUM 1:5 Iomraidhean Croise

2 SAMUEL 22:8

Judüki alomi ajan tüsho niuk; thüningbo khimtan ajan tüsho niuk, tümütüsho api bukakhiuk.

JOB HU H T ANYU 26:11

Yinmi dungjingbo ajanchoh, tüsho apinü athürühkhinü tode müyinsahdo.

JOB HU H T ANYU 9:5

Apinü awungbo lah-a bahchoh, tüsho apinü abukakhiukkhi ching arü lahyuka bahchoki arünü mümükheah;

MUNGSHIKHÜN 104:32

Apinü alomi kheak kheahchoh, tüsho ju ajanchoh; apinü awungbo qiuchoh, tüsho jurü mokhühchoh.

MUNGSHIKHÜN 114:4

Müzüngbonü namfimihnupungbo nangde, awung aninibonü namfimihnunubo nangde juk.

MUNGSHIKHÜN 114:6

O müzüngbo, tümüde namfimihnupungbo nangde, O awung aninibo, namfimihnunubo nangde ajukkhea?

MUNGSHIKHÜN 18:7

Judüki alomi niuk tüsho ajan; awung khimtanbo niuk tüsho ajan, tümütüsho api bukakhiuk.

MUNGSHIKHÜN 18:8

Anupung chingnü mokhüh, tüsho amün chingnü motru le mokhihbo yükih.

MUNGSHIKHÜN 46:6

Trükshihbo müyinnimdo, kiulongthsübo niukdo; Thrünpuhnü tsüngmukchoh, tüsho alomi niuthünakchoh.

MUNGSHIKHÜN 68:8

alomi ajan; thüningbonü she Thrünpuh miki tsüng akishih; Sinai she Israel Thrünpuh miki aphap.

MUNGSHIKHÜN 98:7

Keto tüsho ju ching lakhi alala, alomiküp tüsho ju ching lakhinü arungshang;

ABEKHIT 19:18

Kheakü Sinai Müzüng abümnü mokhüh lakheah, tümütüsho ju kheak Atungpuh mo ching aki. Mokhüh ju mokin ching yo mokhüh nangde aki, tüsho müzüng abümnü niuk.

ISAIA 24:1

Kheakü Atungpuhnü alomi akeangkeang lashihbah tüsho abahkhitshihbah, tüsho ami rhophülapbah tüsho ju ching larü hiumüzütbah.

ISAIA 24:20

Alomi ju amüshangrü nangde yingyinglah, yünshim nangde laplapchoh; amülim-rhimokhi ju kheak mülangde ajaplah, tüsho lungchoh tüsho alode masürü.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

JEREMIA 4:24

Inü awungbo kheak kheah tüsho kheahang, arübo ajande alakheah, tüsho wungduduhbo alala yüla-arüla de niuk.

EZEKIEL 38:20

keto ngüh, thüning wuhnubo, mütüm shiwühbo, alo kheak abüde atsahbe lorilokobo alala, tüsho alomi kheak lakhi mihtsürü alala I miki ajanbah, tüsho müzüngbo le awung mujukbo keamkhibah, tüsho chipi alala alo kheak keama yapbah.

JOEL 2:10

Arü miki alonü niukchoh, thüningbo ajanchoh. Ani tüsho khinu mitinga lah tüsho chiningbonü arü ayin tukloa lah.

AMOS 9:5

Atungpuh , Wuto T H RÜ NPU H , shepünü alomi qiucho tüsho ju niucho, tüsho ju ching larü alala tüzhocho, tüsho ju alala Nile nangde akihcho, tüsho Ijip ching Nile nangde keamyuklocho;

MIKA 1:4

Judüki mo phünide thürip lakhi nangde, kebonü awung zünkheamkhi nangde api khüp müzüngbo niubah tüsho jindükhünbo zhibeakbah.

HABAKKUK 3:10

Müzüngbonü nü ngüchoki, arünü ajan; thüningbo chingnü kebo bukkhi. Alomi khüp kebonü ahuk tüsho arü abükkhibo changde yükih.

ZEKARIA 4:7

Nü she a, O müzüng ato? Zerubbabel miki nü adükhün kambah; tüsho nünü amükham-lung yukchoki mihtsürübonü azhibah, ‘ Akhamlah, akhamlah!’ ”

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

MATHI 27:51

Tüsho kheahang, arüngyam zhindokhim ju akulimnü abolim khiungde mahne thsüde thorüp; alomi niuk, tüsho lungbo lahmüzüt,

MATHI 28:2

Tüsho kheahang, muliuyuk ato khülang lakheah; tümüde Atungpuh yunirü yinmi chingnü aki tüsho lung ju lah-a bahbah ju kheak bin.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.

AMIKHEAKAKHIUKKHI 6:14

thüning ju khiuthulungde kheamabah, tüsho awungbo le kekung-lo aban adangpung chingnü shuhakhin.

MAHKHAPRÜ 5:5

Atungpuh miki müzüngbo ajan, ju Sinai, Atungpuh Israel Thrünpuh miki.