NAHUM 1:4 - AMÜSÜH HÜM CL Bible (BSI)

⁴ Apinü keto thürühchoh tüsho ngahshihchoh, tüsho apinü ayungbo alala ngahshihchoh; Bashan tüsho Karmel mukuhabahchoh tüsho Lebanon pungkhi yiuhabahchoh.

NAHUM 1:4 Iomraidhean Croise

THRÜNTAN 8:1

Judüki Thrünpuhnü Noa tüsho api lung sangkung ching rhangdung lakhi shiwüh alala lümkhit. Tüsho Thrünpuhnü alomi kumung apung yünshih tüsho kebo keamlo.

2 SAMUEL 22:16

Judüki keto rubo ngüde kam, Atungpuh bukakhiukkhinü, api nupung sheak akhiukkhinü, alomiküp khimtan aleangkheak kam.

JOB HU H T ANYU 38:11

tüsho tha, “Ha akhrihbe khiungde nü arübah, ha muho, tüsho ha ching nü bukakhiukde ke-abükkhi tuklobah”?

MUNGSHIKHÜN 104:7

Nünü athürühkhinü arübo tso; nü tsüngmukkhi düsheaknü arü niokhamde tso.

MUNGSHIKHÜN 106:9

Apinü Amürüm Keto she thürüh, tüsho ju ngahabah; junangde apinü arü asükbo hode, sunglo hode be.

MUNGSHIKHÜN 114:3

Ketonü ju ngü tüsho tso; Jordannü rholode tso.

MUNGSHIKHÜN 114:5

O keto, tümü thsüa nü tsokhea? O Jordan, tümüde nü rholode atsokhea?

MUNGSHIKHÜN 18:16

Apinü akulimnü akibah I tholo; apinü ke asükbo chingnü I thokhit.

MUNGSHIKHÜN 74:15

Nünü kenü tüsho keking khimshuh; nünü ayung atobo ngahshih.

ISAIA 33:9

Alonü mitripchoh tüsho thsünüde lah; Lebanon achihdo tüsho yiuhabahchoh; Sharon ju loshelo nangde lah; tüsho Bashan le Karmel kheak sangyübo aniungkhichoh.

ISAIA 42:15

Inü awungbo tüsho amujukbo keama yapshihbah, tüsho wokephüyakbo kungabahshihbah; inü ayungbo loshelo kamshihbah tüsho kekhipbo ngahshihbah.

ISAIA 44:27

shepünü ke asük ki tha, “ Kungang– Inü nü yungbo kungshihbah”;

ISAIA 51:10

Keto ato asükbo ngahshihkhi nü yung de; rhokhita larü hopü thsüde shenü keto asük limro thrünkhea?

EZEKIEL 30:12

Inü ayungbo kungshihbah tüsho lomi ju mihbukmuyuk khah ching yinbah; inü lomi tüsho ju ching lakhi lüpdükhi kheak athsümünim khiungkerübo khah hode handarübah; I Atungpuhnü asukdo.

EZEKIEL 38:20

keto ngüh, thüning wuhnubo, mütüm shiwühbo, alo kheak abüde atsahbe lorilokobo alala, tüsho alomi kheak lakhi mihtsürü alala I miki ajanbah, tüsho müzüngbo le awung mujukbo keamkhibah, tüsho chipi alala alo kheak keama yapbah.

AMOS 1:2

Tüsho apinü tha: Atungpuhnü Zion chingnü arungchoh, tüsho Jirusalem chingnü adüsheak tsüngmukchoh; namfimihnu neakrü rimbo yiuhabahchoh, tüsho Karmel mujuk kungabahchoh.

AMOS 5:8

Shepünü chirhangshuhrü tüsho yamungshuhrü thrünkhea, tüsho zhingdoa amitingkhi ju yapsu kamshihkhea, tüsho animung ju azhing kamshihkhea, Shepünü keto kebo jikhea tüsho alo kheak dungkhitkhea, Atungpuh ju api mung,

MATHI 8:26

Tüshe apinü arü ki tha, “O nüsa akin anikhüh larübo, nüsa tümü thsükhi trecho? Judüki apinü wusubah apungbo le keto thürüh tüsho akhimahekhi ato kamabah.”

JIHUSUA 3:16

tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto lim bukde ayükhi yung ju tukloabah tüsho mihtsürübo Jirikho phünide ju hokhukde yü.