NAHUM 1:15 - AMÜSÜH HÜM CL Bible (BSI)

¹⁵ Kheahang! Müzüngbo kheak, thiyusheak atsü handarürü, mungtsü zhiyukrü arüchoh! Nü thüniobo arüngang, O Juda, nünü thiyuchihchimkhi jihang, tümüde kheaküa mihbukmuyuknü nü lomi ching mazah; arü shahde adükheakbah.

NAHUM 1:15 Iomraidhean Croise

MUNGSHIKHÜN 107:15

O, mihtsürübonü api tsükhi, tüsho mihtsürü tsührübo kilim api amüyinsahbe rhimokhibo thsungkheak Atungpuh kilim makshe jihkhülaa!

MUNGSHIKHÜN 107:8

O, mihtsürübonü api tsükhi, tüsho mihtsürü tsührü kilim api amüyinsahbe rhimokhibo thsungkheak Atungpuh kilim makshe jihkhülaa!

ISAIA 41:27

Inü akhuhde Zion ki thakheah, Kheahang ju ching arü lah! tüsho Jirusalem ki thiyusheak atsü jihkheah.

ISAIA 42:11

Loshelo tüsho kiutobonü arü düsheak shuhkihang, Kedarrü lakhi kiulongbo; Sela ching larübonü asühkhi thsungkheak khün thsüshang, arünü awung mujukbo kheaknü ahoshang.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 52:7

Awungbo kheak mungtsü zhiyukrü jing küdükhüh she akhamla, shepünü thiyusheak atsü handarücho, shepünü akhümkhit zhiyukcho, shepünü Zion ki thacho, “ Nü Thrünpuhnü kiulongthsüchoh.”

JOEL 3:17

Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

LEVI 23:2

Israel trükbo ki thaang: Harü ha akhukhitkhi Atungpuh thüniobo, nüsanü amüsüh amukhung ah de azhiyukpü lah.

LEVI 23:4

Harü ha Atungpuh thüniobo, amüsüh amukhungbo, nüsanü akhukhitkhi kim ching zhiyukjihpü lah.

NAHUM 1:14

Atungpuhnü nü dünkheak thiyukhüm jihdo: “ Nü mung lapü thsüde tsühsoniusobo müla; nü thrünpuhbo yam chingnü inü nü sangthsübo thsümünimjihbah. Inü nü kiuyuk thsübah, tümüde nü amo mülakhi lah.”

LUKNÜ ATHRÜTKHI THIYUSHEAK-ATSÜ HUHTANYU 2:10

Yunirünü arü ki tha, “Dütre; tümüde kheahang, inü mihtsürü alala thsungkheak asühpü ato thiyusheak atsü hande arüchoh;

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

YUNIRÜBO RHIMO 10:36

Thrünpuhnü Jisu Khrista–api ju alala yo Atungpuh– hode mungtsü yusheak atsü zhiyukpü Israel kilim thiyusheak yüshihkhi nüsanü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 10:15

Tüsho arü thiyia mülasho mihtsürübonü küde thsah thsangyuthsangraba? Ha thrüta lah, “Thiyusheak atsü thsangyuthsangrarü jing küdükhüh she akhamla!”