MUNGSHIKHÜN 99:3 - AMÜSÜH HÜM CL Bible (BSI)

³ Arünü nü mung ato tüsho atrebe mung shishang– api amüsüh ah.

MUNGSHIKHÜN 99:3 Iomraidhean Croise

NEHEMIA 1:5

Inü tha, “O Atungpuh yinmi Thrünpuh! Nü ato tüsho atrebe Thrünpuh; nü muzhorü tüsho nü yuzüng yanrübo kheak tangzüngkhi nünü zochoh.

NEHEMIA 4:14

Mihtsürübonü mulong sansankhi ngübah inü arübo limberü tüsho atorübo ki tha, “Isa riri dütre. Atungpuh lümkhitang. Api küdükhüh ato tüsho atrebe, tüsho apinü nüsa mihtsürü, nüsa tsührübo, nüsa niuberü tüsho nüsa yambo thsungkheak keochihjihchoh.”

NEHEMIA 9:32

O Thrünpuh, isa Thrünpuh, nü küdükhüh ato! Küdükhüh atrebe, küdükhüh wu! Nünü tangzüngkhibo thiyuronü rhimodo. Asiria kiulongthsürünü isa junokhi chingnü, kheakü khiungde! Isa kiulongthsürübo, limberübo, amükeamrübo tüsho wukihrübo, jipürübo, tüsho mihtsürü alala kheak küpkhukkhi nü miki anikhüh nangde dükamshih!

NEHEMIA 9:5

Tüshe Levirü, Jeshua, Kadmiel, Bani, Hashabneia, Sherebia, Hodia, Shebania tüsho Pethahia pürünü tha, “Zhipang tüsho Atungpuh nüsa Thrünpuh shiang, api akheam mülakhi lünnü lün shiang! Müngühmühi tüsho mungshikhi alala kurungkheak shuhkihkhi nü mung müretahkhi müngühmühi thsang!”

MUNGSHIKHÜN 100:4

Makshe jihde api ripit ching, tüsho mungshide api khikzhakpung ching yüzahang. Api ki makshe jihang tüsho api mung shiang.

MUNGSHIKHÜN 103:1

Atungpuh shiang, O I me; tüsho I kheak lakhi alala, api amüsüh mung shiang!

MUNGSHIKHÜN 111:9

Apinü api mihtsürübo kilim arhokhitkhi yüshih; apinü api tangzüng lünnü thiyukhüm jih: Amüsüh tüsho atrebe ju api mung.

MUNGSHIKHÜN 145:17

Atungpuh ju api limrobo alala ching thiyuro-lungki ah, api rhimobo alala ching amüthsüm lah.

MUNGSHIKHÜN 66:3

Thrünpuh ki thaang, “Nü rhimobo küdükhüh atrebe la! Nü wu tokhi hode nü riribonü nü ki mükhümbah.

MUNGSHIKHÜN 76:1

Juda ching Thrünpuh mükheahlah; Israel ching api mung ato lah.

MUNGSHIKHÜN 76:12

Apinü yakzanshuhrübo me thsümünimchoh; alomi kiulongthsürübonü api trechoh.

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

JEREMIA 20:11

Tüshe Atungpuh ju atrebe thirithsürü nangde I lung lah; jumonü I thsümüchirü jing mükhebah tüsho arünü mukuk. Arü tode achih ngübah,tümüde arünü akuk müngü. Arü akheam müla achihkhi küyimkishe mümih.

JOHAN 17:11

Kheaküa I alomi ching müla, tüshe harübo alomi ching lah, tüsho I nü kilim arüchoh. Amüsüh Abuh, nünü I kilim jihrü nü mung hode zojang, junangde isa nangde arü khülang labah.

YUZÜNGTHALO 28:58

“Nüsanü Atungpuh nüsa Thrünpuh müretahkhi tüsho api atrebe mung wüntrepü thsüde, ha hüm ching thrüta lakhi yakzan alala kümkangde müyansho,

YUZÜNGTHALO 7:21

Nüsanü arü ki dümüyinsah; tümüde Atungpuh nüsa Thrünpuh, ato tüsho atrebe Thrünpuh nüsa bolung lah.

JIHUSUA 24:19

Tüshe Jihusuanü mihtsürübo ki tha, “Nüsanü Atungpuh mütankihkhukpü labah tümüde api amüsüh Thrünpuh, api mükthsü Thrünpuh; nüsanü alakmihkhi yungsho neakbo apinü mübahjih.

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.