MUNGSHIKHÜN 98:4 - AMÜSÜH HÜM CL Bible (BSI)

⁴ Alomi alalanü asühde Atungpuh ki ahoang; khün thsüde zhiang, asühachihang, tüsho müshi khünbo thsang.

MUNGSHIKHÜN 98:4 Iomraidhean Croise

MUNGSHIKHÜN 100:1

Nüsa lomibo alala, Atungpuh ki asühde zhiang!

MUNGSHIKHÜN 66:1

Alomi alalanü asühachihde Atungpuh ki zhiang;

MUNGSHIKHÜN 66:4

Alomi alalanü nü kingaünbah tüsho nü müshi khünbo thsübah; arünü nü mung shikhi khün thsübah.”

MUNGSHIKHÜN 67:4

Trükshihbo asühshang tüsho asühachihde khün thsüshang, tümüde nünü thiyuro-lungkinü mihtsürü mahkhapchoh tüsho alomi trükshihbo bechoh.

MUNGSHIKHÜN 71:22

Nü thiyuro lakhi thsungkheak bingshang bede nü shijihbah, O I Thrünpuh; inü bingkhung bede nü shijihbah, O Israel Amüsühbuh Khülang.

MUNGSHIKHÜN 95:1

O arang, isanü Atungpuh ki khün thsanü! Isanü isa akhümkhit lungto ki asühachihde ahoanü.

MUNGSHIKHÜN 95:2

Isanü makshe jihde api miki aranü; isanü mungshikhünbo bede api ki asühachihde ahoanü.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 42:11

Loshelo tüsho kiutobonü arü düsheak shuhkihang, Kedarrü lakhi kiulongbo; Sela ching larübonü asühkhi thsungkheak khün thsüshang, arünü awung mujukbo kheaknü ahoshang.

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

ZEPHANIA 3:14

Achangnü khün thsang, O Zion mihtsürü, ahoang, O Israel! Asühachihang tüsho nü mulong alalanü asühang, O Jirusalem!

MATHI 21:9

Judüki müngühlim yükhi tüsho dunglim yankhi botonü zhide tha: “Hosanna, David tsührü! Shepü Atungpuh mung chingnü arüchonü müngühmühi thsang! Achangbe chingnü shiang!”

AMIKHEAKAKHIUKKHI 19:1

Ha dunglim yinmi ching yimto ato düsheak zhikhi nangde inü so, “Halleluya! Akhümkhit, müretah tüsho wu isa Thrünpuh yo,

AMIKHEAKAKHIUKKHI 19:6

Judüki yimto ato düsheak nangde, ke ahihdo arungkhi nangde, tüsho tsüngmukbo ato düsheak nangde zhide inü so, “Halleluya! Tümüde Atungpuh isa Thrünpuhnü kiulongthsüchoh.