MUNGSHIKHÜN 98:1 - AMÜSÜH HÜM CL Bible (BSI)

¹ O, Atungpuh ki khün aso khülang thsang, tümüde apinü amüyinsahbebo rhimo! Api khah tsülim tüsho api amüsüh binnü akuk ngüdo.

MUNGSHIKHÜN 98:1 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

JOB HU H T ANYU 40:9

Thrünpuh nangde nü bin la de, tüsho api nangde düsheaknü nünü tsüngmukpü kukla de?

MUNGSHIKHÜN 105:5

Apinü athsükhi api amüyinsahbe rhimobo lümkhitang, api amüyinsahbebo tüsho api mün chingnü mahkhapkhibo,

MUNGSHIKHÜN 136:4

Amüyinsahbebo ato rhimobuh kilim, tümüde api amüthsüm lünnü rünkhiungde lah;

MUNGSHIKHÜN 139:14

Inü nü shijihbah, tümüde nünü I atrebe tüsho amüyinsahbe thsüde thrüna lah; amüyinsahbebo ju nü rhimobo lah, tüsho inü khide tsüde mükheahlah.

MUNGSHIKHÜN 149:1

Atungpuh shiang! Atungpuh ki khün aso khülang, tüsho amüsührü mukhungkhi ching api shijihkhibo thsang.

MUNGSHIKHÜN 33:3

Api ki khün aso thsang; kingsode kingang, tüsho asühde zhiang.

MUNGSHIKHÜN 72:18

Amüyinsahbe rhimobuh, Israel Thrünpuh, Atungpuh shiang!

MUNGSHIKHÜN 77:14

Nü a amüyinsahbebo rhimorü Thrünpuh ah; nünü mihtsürü bolung nü sühmüh khipkhit.

MUNGSHIKHÜN 86:10

Tümüde nü ato ah, tüsho amüyinsahbe rhimochoh; nü lang Thrünpuh ah.

MUNGSHIKHÜN 89:14

Thiyuro-lungki tüsho thiyuro ju nü kiulongthsü-binkiu khimtan ah; mihmüthsüm tüsho thiyuro nü miro müngüh yüchoh.

MUNGSHIKHÜN 96:1

O, Atungpuh ki khün aso khülang thsang! Atungpuh ki khün thsang, alomi alala.

MUNGSHIKHÜN 96:3

Trükshihbo lung api müretahkhi, mihtsürü alala bolung api amüyinsahbebo khipkhitang.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ABEKHIT 15:6

O Atungpuh , wu ching müretahkhi nü khah tsülimnü, O Atungpuh , nü khah tsülimnü thiriri adütre kamde yihthünak.

ISAIA 12:5

Atungpuh kilim mungshikhünbo thsang, tümüde apinü müretahde rhimodo; ha alomi alala ching mükheahshang.

ISAIA 42:10

Atungpuh ki khün aso khülang thsang, keto tüsho ju ching lakhi alalanü, keyean lomibo tüsho ju ching larübonü alomi akheam chingnü api shiang!

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 59:16

Apinü ju ching sheshe mülakhi ngü, tüsho arungkhirü mülakhi müyinsah; jumonü anihbuh khahnü api kilim akuk ngükhi handarü, tüsho api thiyuro-lungkinü api tholo.

ISAIA 63:5

Inü kheah, tüshe arungrü she mülakhea; I müyinsah, tümüde I duhyitrü she mülakheah, jumonü I khahnü akuk ngükhi handarü, tüsho I bukakhiukkhinü I rung.

JEREMIA 31:22

Külokhüh nü rümde atsahba, O akin mülakhi tsührübe? Tümüde Atungpuhnü alomi kheak kukruk aso khülang thründo; aliberü khülangnü athrürü kümdopü lah.

LUKNÜ ATHRÜTKHI THIYUSHEAK-ATSÜ HUHTANYU 1:49

Tümütüsho shepü wutoanü apinü I thsungkheak ato rhimodo tüsho api mung amüsüh lah.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

YUNIRÜBO RHIMO 19:20

Junangde Atungpuh yu ju wu lade akuk ngüde bude yü.

YUNIRÜBO RHIMO 2:11

Jihudarü le khiungkerü chido Judearü kamabah, tüsho Kreterü le Arabrü–amüyinsahbe Thrünpuh rhimo thsüde arünü isa yutha chingnü athakhi isanü so.”

KOLOSI 2:15

Wubo tüsho thiyukhüm-sühmühbo kheamshihde, apinü sangkimnü jurü kurungkheak akuk ngüde botonü kheahshih.

AMIKHEAKAKHIUKKHI 14:3

tüsho arünü kiulongthsü-binkiu le arhang shiwüh phüyi tüsho azothsürübo miki khün aso thsü. Alomi chingnü rhokhita larü 144,000 kheak hode shenü she ju khün manikhit.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,

AMIKHEAKAKHIUKKHI 6:2

Inü kheah, tüsho I miki khora amüye, abebuhnü sanglüh khülang shuh; kuthran khülang api kilim jih, tüsho apinü akuk ngüpü akuk-ngürü nangde bebah yü.