MUNGSHIKHÜN 97:2 - AMÜSÜH HÜM CL Bible (BSI)

² Amobo tüsho amitingnü api mükamdochoh; thiyuro-lungki tüsho thiyuro ju api kiulongthsü-binkiu khimtan ah.

MUNGSHIKHÜN 97:2 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

JOB HU H T ANYU 23:14

Tümüde apinü I thsungkheak tümü akhudünü apinü arhimobah; tüsho hadürü ahihdo api lüm ching lah.

JOB HU H T ANYU 26:9

Apinü khinu münikhi miro lüpdochoh, tüsho ju kheak api amo shokihdo.

MUNGSHIKHÜN 77:19

Nü limro keto ching, nü jing-tsahpung ke atobo ching lakheah, tüsho nü jingdükübo mümükheahde alakheah.

MUNGSHIKHÜN 89:14

Thiyuro-lungki tüsho thiyuro ju nü kiulongthsü-binkiu khimtan ah; mihmüthsüm tüsho thiyuro nü miro müngüh yüchoh.

MUNGSHIKHÜN 89:15

Mihtsürü sherünü asühachih düsheak mükheahlanü müngühmühi! O Atungpuh , arünü nü bekhi ayin ching tsahchoh.

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

ABEKHIT 19:9

Tüsho Atungpuhnü Mosa ki tha, “Kheahang, inü nü ki asukkhi mihtsürübonü sobah nü kheak lünnü akin lapü thsüde I nü kilim amo akheah ching arükheah.” Junangde Mosanü mihtsürübo yu Thrünpuh ki tha.

ABEKHIT 20:21

Jumonü mihtsürübonü limshude zhip, tüshe Mosa a Thrünpuh lapung amiting akheah thüninde yü.

MÜCHITMUDU 16:12

Kiulongthsürübonü mihbukmuyuk yihbeakkhi ju athraneanbe, tümüde kiulongthsü-binkiu ju thiyurolungkinü lashihchoh.

NAHUM 1:3

Atungpuhnü arünnü bukakhiukchoh tüshe wu ching ato, tüsho Atungpuhnü küdüdüshe amülimrü müthsümüchidüa mülachoh. Api limro ju chinthrüm tüsho tsüngpungtsüngpung ching lah, tüsho amobo ju api jing yo asungthulung ah.

ROMRÜ KILIM PAULNÜ ATHRÜTKHI KIHÜM HUHTANYU 11:33

Thrünpuh lakhitbo küdükhüh ato a! Api lümlung tüsho mükheahmudu küdükhüh sükla? Shepünü api limrobo anikhitkhukba?