MUNGSHIKHÜN 96:2 - AMÜSÜH HÜM CL Bible (BSI)

² Atungpuh ki khün thsang, api mung shiang; api akhümkhit thiyusheak atsü nimung aban zhiyukang.

MUNGSHIKHÜN 96:2 Iomraidhean Croise

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

MUNGSHIKHÜN 103:20

Nüsa api yunirübo, sherü sühmüh hodakla, sherünü api yukhüm anicho, sherünü apinü athakhi anicho, Atungpuh shiang.

MUNGSHIKHÜN 145:1

Inü nü shuhkihbah, I Thrünpuh, O kiulongthsüpuh; tüsho inü lünnü lün nü mung shibah.

MUNGSHIKHÜN 145:10

Nü rhimobo alalanü nü shibah, O Atungpuh , tüsho nü yo amüsührünü nü shibah.

MUNGSHIKHÜN 145:2

Nimung aban inü nü shibah tüsho inü lünnü lün nü mung shibah.

MUNGSHIKHÜN 40:10

Inü nü thiyuro-lungki I mulong ching müram; inü nü thiyuro tüsho akhümkhit khipkhit; inü mukhungmüdan ato ki nü muzho tüsho thiyuro rama muzo.

MUNGSHIKHÜN 71:15

I münnü nü thiyuro-lungki tüsho nü akhümkhit nimung amuyung thabah, tümüde inü arü akhü thsükhi mümükheah.

ISAIA 40:9

Nü awung achang kheak yükihang, O Zion, thiyusheak atsü mükheahshang; nü düsheak sühmüh zahde shuhkihang, O Jirusalem, thiyusheak atsü mükheahshang, shuhkihang, dütre; Juda kiutobo ki thaang, “Ha ching nüsa Thrünpuh lah!”

MARK 16:15

Tüsho apinü arü ki tha, “Alomiküp alala ching yüang tüsho mihtsürübo alala ki thiyusheak-atsü thsangyuthsangraang.

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

AMIKHEAKAKHIUKKHI 5:13

Tüsho yinmi ching, alomi kheak, keto ching tüsho alala ching shiwühbo abannü athakhi inü so, “Kiulongthsü-binkiu kheak binbuh tüsho Namfimihnunu kilim müngühmühi, wüntre, müretah tüsho sühmüh lünnü lün laang!”