MUNGSHIKHÜN 95:7 - AMÜSÜH HÜM CL Bible (BSI)

⁷ Tümüde api isa Thrünpuh, tüsho isa api rimlopung mihtsürü, tüsho api khah ching namfimihnubo ah. Khihni nüsanü api düsheak aniang:

MUNGSHIKHÜN 95:7 Iomraidhean Croise

1 KIUTHSÜYUKHEAN 16:14

Api Atungpuh isa Thrünpuh; api mahkhapkhibo alomi alala ching lah.

MUNGSHIKHÜN 100:3

Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

MUNGSHIKHÜN 115:3

Tüshe isa Thrünpuh a yinmi ching lah; apinü tümüpürü künlanü rhimochoh.

MUNGSHIKHÜN 23:1

Atungpuh ju I neakbuh ah; I yihnüpü kimkethürü lah.

MUNGSHIKHÜN 48:14

“Ha Thrünpuh, lünnü lün isa Thrünpuh ah; apinü akheam khiungde isa bebah.”

MUNGSHIKHÜN 67:6

Judüki alonü nihbe alü akhiukshihbah; Thrünpuh, isa Thrünpuhnü isa müngühjihbah.

MUNGSHIKHÜN 74:1

O Thrünpuh, tümüde nünü isa lünnü bahyuka la? Tümüde nü mihtsürü azhihde bukakhiukcho?

MUNGSHIKHÜN 79:13

Jumonü, isa nü mihtsürü tüsho nü yo rimlopung namfimihnubonü, lünnü nü ki makshe jihbah; isanü lünbo alala ki nü shijihkhi huhbah.

ABEKHIT 15:2

Atungpuh ju I sühmüh tüsho I khün, tüsho api I khümkhitbuh kamdo; ha I Thrünpuh, tüsho inü api shibah, I buh pürü Thrünpuh, inü api shuhkihbah.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

MÜCHITMUDU 8:6

Aniang, tümüde inü athudakkhibo asukbah, tüsho I münküpbo khimshuhkhi chingnü alungki arübah;

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 3:13

Tüshe neak rükakikhinü nüsa sheshe mulong mümüküpshihpü thsüde “Khihni” de ajikhi la khiungde nimung aban nüsa khülangnü khülang tuthsukachihang.

IBRI 3:15

Amüsühyunü ha thachoh, “Khihni, nüsanü api düsheak sochoki azhihkhi ching nangde nüsa mulong dümüküp.”

IBRI 4:7

kheaküshe Thrünpuhnü, “Khihni” de nimung püpü zojih. Kam ahihkhüh dunglim apinü David hode asukkhi amüsühyu ching thaa lah; “Khihni nüsanü api yu sochoki, nüsa mulongbo dümüküp.”

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.

AMIKHEAKAKHIUKKHI 3:20

Kheahang, I khimdopü ki zhiplah tüsho thrungchoh; khürünü I düsheak sobah ripit khimshuhsho, I api kilim azahbah api lung yimtsühbah, tüsho apinü I lung yimtsühbah.